అంగన్ వాడీ కార్యకర్తలు, ఆశా వర్కర్లకు ఆయుష్మాన్ భారత్ స్కీం వర్తింప జేస్తామని కేంద్ర ఆర్థిక మంత్రి నిర్మలా సీతారామన్ వెల్లడించారు. ఇవాళ పార్లమెంట్ లో 2024-25 ఓటాన్ బడ్జెట్ ను ప్రవేశ పెట్టిన ఆమె.. అంగన్‌వాడీ కార్యకర్తలందరికీ ఆయుష్మాన్ భారత్ కింద ఆరోగ్య సంరక్షణ కవరేజీని పొడిగిస్తున్నట్లు ప్రకటించింది.
ఆయుష్మాన్ భారత్ ప్రధాన్ మంత్రి-జన్ ఆరోగ్య యోజన (AB-PMJAY) అనేది ప్రపంచంలోనే అతిపెద్ద పబ్లిక్ ఫండ్ హెల్త్ ఇన్సూరెన్స్ స్కీమ్ . ఆసుపత్రిలో చేరేందుకు ప్రతి కుటుంబానికి సంవత్సరానికి రూ. 5 లక్షల కవరేజీని అందిస్తుంది.
2023 డిసెంబర్ 27 వరకు 12 కోట్ల కుటుంబాలకు చెందిన 55 కోట్ల మంది ఈ పథకం కిందకు వచ్చారు. మధ్యంతర బడ్జెట్‌ను సమర్పించిన సందర్భంగా మాట్లాడిన ఆర్థిక మంత్రి నిర్మలా సీతారామన్.. MSMEలకు సకాలంలో ఆర్థికసాయం అందించడం ప్రభుత్వ ప్రాధాన్యత అని అన్నారు.
