స్కూటీని కొంటానని వచ్చి.. ట్రయల్ పేరుతో పరార్

స్కూటీని కొంటానని వచ్చి.. ట్రయల్ పేరుతో పరార్

జీడిమెట్ల, వెలుగు: ఓఎల్‌‌ఎక్స్​లో అమ్మకానికి పెట్టిన స్కూటీని ట్రయల్ పేరుతో ఓ దొంగ ఎత్తుకెళ్లాడు. జగద్గిరిగుట్ట పరిధిలోని గాజులరామారానికి చెందిన సద్గున్ (33) తన యాక్టివా స్కూటీని ఓఎల్‌‌ఎక్స్​లో అమ్మకానికి పెట్టాడు. శనివారం గుర్తుతెలియని వ్యక్తి ఫోన్ చేసి స్కూటీని కొంటానని వచ్చాడు. ట్రయల్ రన్ చేస్తానని చెప్పి పార్కింగ్​లోని బైక్ తీసుకుని పారిపోయాడు. గంట దాటినా రాకపోవడంతో బాధితుడు పోలీసులకు ఫిర్యాదు చేశారు.