ఆన్ లైన్ షాపింగ్ చేయాలంటే ముందుగా OTP వస్తుంది. అది కన్ఫాం చేస్తేనే నగదు లావాదేవీలు జరుగుతాయి. మనం బుక్ చేసుకున్న వస్తువు కొనుగోలు జరిగినట్లు మెసేజ్ వస్తుంది. ATM లో అయితే నగదు విత్ డ్రా చేసినా..డబ్బులు వేసినా ఆ తర్వాత రిజిస్టరైన మొబైల్ నంబర్ కు మెసేజ్ వస్తుంది. అయితే కెనరా బ్యాంకు ATM నుంచి డబ్బులు విత్ చేసుకోవాలంటే మితగా బ్యాంకు ATM లా కాకుండా ముందుగానే OTPని ఎంటర్ చేయాల్సిందే. ఇది రోజులో రూ.10 వేల రూపాయల ఆ పై మొత్తాలకే ఈ OTP నిబంధన వర్తిస్తుంది. ఈ నిబంధనతో కెనరా బ్యాంకు ఏటీఎంలలో మనీ విత్ డ్రా మరింత సేఫ్ అంటున్నారు ఆ బ్యాంకు ఉన్నతాధికారులు. రోజులో రూ.10,000కు మించి చేసే నగదు విత్ డ్రాయల్స్‌ ఓటీపీతో మరింత సురక్షితం కానున్నాయి. కార్డుదారుల ప్రమేయం లేకుండా అనధికారిక లావాదేవీలు జరగకుండా ఈ నిబంధనతో చెక్ పెట్టవచ్చని తెలిపారు కెనరా బ్యాంకు అధికారులు.
