నవీపేట్, వెలుగు: బోధన్ గడ్డపై బీజేపీ జెండా ఎగరేస్తామని ఆ పార్టీ అభ్యర్థి వడ్డీ మోహన్ రెడ్డి ధీమా వ్యక్తం చేశారు. మండలలోని ఆర్ఆర్ గార్డెన్ లో నవీపేట్, ఎడపల్లి, రెంజల్ మండలాల బూత్ స్థాయి కార్యకర్తల సమావేశంలో ఆయన మాట్లాడారు. ప్రధాని నరేంద్ర మోదీ స్ఫూర్తితో ఈ ఎన్నికల్లో తిరుగులేని విజయం సాధిస్తామన్నారు. బీఆర్ఎస్, కాంగ్రెస్ లీడర్లు తనకు బీజేపీ టికెట్ ఇప్పించారని చేస్తున్న తప్పుడు ప్రచారాన్ని మానుకోవాలన్నారు.
2006లో జరిగిన జడ్పీటీసీ ఎన్నికల్లో ప్రజల అండతో సీఎం కేసీఆర్ వియ్యంకుడు, ఎమ్మెల్సీ కవిత మామ రాంకిషన్రావును ఓడించానని గుర్తుచేశారు. బోధన్లో బీఆర్ఎస్, బీజేపీ మధ్యే పోటీ ఉంటుందన్నారు. కార్యకర్తలు కష్టపడి పనిచేయాలని కోరారు. కార్యక్రమంలో రెంజల్ ఎంపీపీ రజిని, జడ్పీటీసీ విజయ, బీజేపీ రాష్ట్ర నాయకులు అడ్లూరి శ్రీనివాస్, శ్రీధర్, మండలాధ్యక్షులు సరిన్, ఇంద్ర కరణ్, గోపి కృష్ణ పాల్గొన్నారు.
