- నాజల్ వ్యాక్సిన్కు కేంద్రం ఆమోదం
- టీకా రూపొందించిన భారత్ బయోటెక్
- ప్రైవేట్ ఆస్పత్రుల్లో అందుబాటులోకి టీకా
- ఎయిర్ పోర్టుల్లో ఇయ్యాల్టి నుంచి కరోనా టెస్టులు
- చైనాలో ఒక్కరోజే 3.7 కోట్ల కేసులు
- ప్రైవేట్ ఆస్పత్రుల్లో అందుబాటులోకి టీకా
న్యూఢిల్లీ: భారత్ బయోటెక్ కంపెనీ తయారు చేసిన నాజల్ డ్రాప్స్ కరోనా వ్యాక్సిన్ ‘ఇన్ కొవాక్ (బీబీవీ154)’ను బూస్టర్ డోస్ గా ఉపయోగించేందుకు కేంద్ర హెల్త్ మినిస్ట్రీ ఆమోదం తెలిపింది. 18 ఏండ్లు, అంతకంటే ఎక్కువ వయసున్న వాళ్లు ఈ టీకాను బూస్టర్ (ప్రికాషన్) డోస్ గా వేసుకోవచ్చని శుక్రవారం సాయంత్రం అధికారులు వెల్లడించారు. ఇంతకుముందు కొవిషీల్డ్ లేదా కొవాగ్జిన్ లో ఏది రెండు డోసులు వేసుకున్నా ఇన్ కొవాక్ను బూస్టర్ డోస్ గా తీసుకోవచ్చని తెలిపారు.
నాజల్ వ్యాక్సిన్ ను వెంటనే కొవిన్ పోర్టల్లో, ప్రైవేట్ ఆస్పత్రుల్లో అందుబాటులోకి తెస్తున్నట్లు చెప్పారు. త్వరలోనే నేషనల్ కొవిడ్ వ్యాక్సినేషన్ ప్రోగ్రాంలోనూ ఈ టీకాను చేర్చనున్నట్లు పేర్కొన్నారు. కాగా, ఇన్ కొవాక్ టీకా అత్యవసర వినియోగం కోసం డీసీజీఐ గత నవంబర్ లోనే అనుమతి ఇచ్చింది. ఫేజ్ 1, 2, 3 క్లినికల్ ట్రయల్స్ లో తమ టీకా సమర్థంగా పని చేసిందని భారత్ బయోటెక్ వెల్లడించింది.
