తెలుగు రాష్ట్రాల్లో ధాన్యం సేకరణపై క్లారిటీ ఇచ్చింది కేంద్రం. పార్లమెంట్ లో టీడీపీ ఎంపీ కేశినేని నాని అడిగిన ప్రశ్నకు లిఖిత పూర్వక సమాధానం ఇస్తూ.. ఏపీ కంటే తెలంగాణ నుంచే ఎక్కువ బియ్యం సేకరిస్తున్నామని తెలిపింది. 2018-19లో ఏపీ నుంచి 48 లక్షల మెట్రిక్ టన్నుల బియ్యం సేకరిస్తే.. తెలంగాణ నుంచి 51 లక్షల 90వేల మెట్రిక్ టన్నుల బియ్యం సేకరించామని చెప్పింది. 2019-20లో ఏపీ నుంచి 55లక్షల 33వేల మెట్రిక్ టన్నుల బియ్యం సేకరిస్తే.. తెలంగాణ నుంచి డెబ్బై నాలుగున్నర లక్షల మెట్రిక్ టన్నుల బియ్యం సేకరించామన్నారు. 2020-21లో ఏపీ నుంచి 56.67 లక్షల మెట్రిక్ టన్నులు, తెలంగాణ నుంచి 94.53 లక్షల మెట్రిక్ టన్నుల బియ్యం సేకరించామని చెప్పింది కేంద్రం.
