బెంగళూరు: ఇండియాకు చెందిన స్పేస్క్రాఫ్ట్ చంద్రయాన్ 2, నాసాకు చెందిన లూనార్ రీకనైసెన్స్ఆర్బిటర్(ఎల్ఆర్వో) ఢీకొట్టుకునే ప్రమాదం నుంచి బయటపడ్డాయి. ఇందుకోసం ఇస్రో.. చంద్రయాన్ 2 కక్ష్య మార్చి వేరే కక్ష్యలోకి పంపింది. ఒకవేళ ఈ రెండు స్పేస్క్రాఫ్టులు ఢీకొట్టుకొని ఉంటే ఇస్రో, నాసాలకు భారీ నష్టం జరిగేది. చంద్రుడి కక్ష్య స్పేస్జంక్తో నిండిపోయి ఉండేది.
అసలేం జరిగిందంటే..
చంద్రయాన్-2, నాసా ఎల్ఆర్వో రెండూ చంద్రుని ధ్రువ కక్ష్యలో తిరుగుతుంటాయి. చంద్రుడి ధ్రువాల మీద ఈ రెండూ దగ్గరగా వస్తుంటాయి. అక్టోబర్ 20న చంద్రుని ఉత్తర ధృవం దగ్గర చాలా దగ్గరకు వస్తాయని గుర్తించినట్టు ఇస్రో తెలిపింది. ఆ సమయంలో రెండింటి మధ్య రేడియల్విభజన దూరం 100 మీటర్లే ఉంటుందని, రెండూ అత్యంత దగ్గరగా చేరుకునే దూరం 3 కిలోమీటర్లే ఉంటుందని వివరించింది. దీంతో నాసాతో చర్చించి చంద్రయాన్2, ఎల్ఆర్వో ఢీకొట్టుకోకుండా ఉండేందుకు కక్ష్య మార్చాలని నిర్ణయించామంది. అక్టోబర్ 18న దీన్ని షెడ్యూల్ చేసి అదేరోజు రాత్రి 8.22 గంటలకు ప్రాసెస్ను అమలు చేశామని వివరించింది. దీంతో చంద్రయాన్ 2 మరో కక్ష్యలోకి వెళ్లిందని, మున్ముందు కూడా రెండు స్పేస్క్రాఫ్ట్లు ఢీకొనే అవకాశంలేదని ఇస్రో సైంటిస్టులు తెలిపారు. ఎర్త్ ఆర్బిట్లోని శాటిలైట్లు ఇలా దగ్గరగా రావడం సాధారణమేనని సైంటిస్టులు చెప్పారు.
