చేవెళ్ల, వెలుగు: చేవెళ్ల మండలం మీర్జాగూడ సమీపంలో జరిగిన బస్సు ప్రమాద ఘటనలో మృతిచెందిన టిప్పర్ డ్రైవర్ ఆకాశ్ కామ్లే కుటుంబాన్ని రాష్ట్ర ప్రభుత్వం ఆదుకుంది. ఆయన కుటుంబానికి రూ.5 లక్షల ఎక్స్గ్రేషియా చెల్లించింది. మహారాష్ట్రలోని నాందేడ్ జిల్లా ఖాందార్ మండలం బిజెవాడి గ్రామానికి చెందిన ఆకాశ్ కుటుంబానికి సోమవారం ఎమ్మెల్యే యాదయ్య, ఆర్డీవో చంద్రకళ రూ.5 లక్షల చెక్కును అందజేశారు. ఈ కార్యక్రమంలో పీఏసీఎఎస్ చైర్మన్లు దేవర వెంకట్ రెడ్డి, గోనె ప్రతాప్ రెడ్డి, డీసీసీ ఉపాధ్యక్షుడు ఆగిరెడ్డి, మున్సిపల్ అధ్యక్షుడు శ్రీనివాస్ గౌడ్, సర్పంచుల ఫోరం మండల మాజీ అధ్యక్షుడు పడాల ప్రభాకర్ తదితరులు పాల్గొన్నారు.
