- చించోలి అందాల రంగోళి
- పర్యాటకులను ఆకట్టుకుంటున్న వైల్డ్లైఫ్ శాంక్చురీ
దారి పొడవునా పచ్చదనం. కొండలు, గుట్టల మధ్య పెద్ద పెద్ద చెట్లు. పక్షుల కిలకిలరావాలు, పరుగులు తీసే జింకలు... వీటన్నింటినీ ఒకే చోట చూడాలంటే చించోలి వైల్డ్లైఫ్ శాంక్చురీకు వెళ్లాలి. తెలంగాణ, కర్ణాటక సరిహద్దులో ఉంది ఈ వైల్డ్ లైఫ్ శాంక్చురీ. పచ్చదనంతో ఆహ్లాదంగా ఉండే ఈ ప్లేస్ వీకెండ్ టూర్కి బాగుంటుంది. ఇక్కడికి వెళ్తే గొట్టంగుట్ట వాటర్ఫాల్ అందాల్ని కూడా
చూసి రావొచ్చు.
కర్ణాటకలోని కలబుర్గి జిల్లా, తెలంగాణలోని వికారాబాద్ జిల్లాల మధ్య ఉంది ఈ వైల్డ్లైఫ్ శాంక్చురీ. చించోలి అటవీ ప్రాంతాన్ని 2011లో వైల్డ్లైఫ్ శాంక్చురీగా డిక్లేర్ చేశారు. 134 చదరపు కిలోమీటర్ల మేర విస్తరించి ఉంటుంది. దక్షిణ భారతదేశంలోనే మొదటి ‘డ్రై ల్యాండ్ వైల్డ్లైఫ్ శాంక్చురీ’గా చించోలికి పేరు.. ఇక్కడ తుమ్మ, టేకు చెట్లతో పాటు రకరకాల మెడిసినల్ ప్లాంట్స్ ఎక్కువ కనిపిస్తాయి. గంధం, ఎర్రచందనం చెట్లు కూడా అక్కడక్కడా ఉంటాయి. పచ్చని చెట్ల మధ్య తిరుగుతూ, పక్షుల పలకరింపుల్ని వింటూ ట్రెక్కింగ్ చేయడం, శాంక్చురీ చూడడం థ్రిల్లింగ్గా అనిపిస్తుంది.
- ఇవి స్పెషల్ అట్రాక్షన్స్
ఈ వైల్డ్లైఫ్ శాంక్చురీలో తోడేళ్లు, హైనాలు స్పెషల్ అట్రాక్షన్. కృష్ణజింక, నాలుగు కొమ్ముల దుప్పి, గబ్బిలం వంటివి కూడా కనిపిస్తాయి. నీలం రంగు పావురాలు, రంగురంగుల రామచిలకలతో పాటు దాదాపు 35 రకాల పక్షుల్ని చూడొచ్చు. ఇక్కడి నుంచి 20 కిలోమీటర్లు జర్నీ చేస్తే చంద్రంపల్లి డ్యాం వస్తుంది. భీమ నది మీద కట్టిన ఈ డాంకి దగ్గర్లో నాలుగు చిన్న డ్యాంలు ఉంటాయి. అక్కడే రాత్రి బస చేయాలనుకునేవాళ్లు కర్ణాటక టూరిజం ఏర్పాటు చేసిన కాటేజీల్లో ఉండొచ్చు. ‘తెలంగాణ ఊటీ’ గొట్టంగుట్ట కూడా చించోలికి దగ్గరే. దాంతో టూరిస్టులు అక్కడికి వెళ్లి, వాటర్ఫాల్స్ అందాల్ని చూస్తూ, ఫొటోలు దిగుతూ ఎంజాయ్ చేస్తారు. వీకెండ్లో ఫ్యామిలీ, ఫ్రెండ్స్తో కలిసి చాలామంది ఈ ప్లేస్కి వెళ్తుంటారు. జూలై– అక్టోబర్ నెలల మధ్య ఇక్కడికి వెళ్తే బాగుంటుంది.
- ఇలా వెళ్లాలి..
జహీరాబాద్ నుంచి 32 కిలోమీటర్లు జర్నీ చేస్తే చించోలి వైల్డ్లైఫ్ శాంక్చురీ వస్తుంది. వికారాబాద్ నుంచి కూడా వె