చిరంజీవి హీరోగా ‘బింబిసార’ ఫేమ్ వశిష్ఠ మల్లిడి రూపొందిస్తున్న చిత్రం ‘విశ్వంభర’. యూవీ క్రియేషన్స్ బ్యానర్‌‌‌‌‌‌‌‌పై విక్రమ్, వంశీ, ప్రమోద్‌ కలిసి నిర్మిస్తున్నారు. ఇప్పటికే షూటింగ్ పూర్తయి, ప్రస్తుతం పోస్ట్ ప్రొడక్షన్ జరుగుతోంది. సోషియో-ఫాంటసీ బ్యాక్‌‌‌‌డ్రాప్‌‌‌‌లో రూపొందుతోన్న చిత్రం కావడంతో వీఎఫ్‌‌‌‌ఎక్స్‌‌‌‌కు ఎక్కువ సమయం తీసుకున్నారు మేకర్స్. ఈ వర్క్ దాదాపు పూర్తవడంతో రిలీజ్ డేట్‌ అనౌన్స్ చేసే పనిలో ఉన్నారు. సెప్టెంబర్ 18న ఈ చిత్రాన్ని విడుదల చేయాలని ప్లాన్ చేశారట. దసరా సెలవులు ఈ సినిమాకు కలిసొచ్చేలా ఈ డేట్‌‌‌‌ను ఎంపిక చేస్తున్నట్టు తెలుస్తోంది.
మరికొన్ని రోజుల్లోనే ఈ రిలీజ్ డేట్‌‌‌‌పై అఫీషియల్ అనౌన్స్‌‌‌‌మెంట్ రానుంది. ఇప్పటికే విడుదలైన ఫస్ట్ గ్లింప్స్, సాంగ్ ఇతర ప్రమోషనల్ కంటెంట్‌‌‌‌కు మంచి రెస్పాన్స్ వచ్చింది. త్రిష, ఆషికా రంగనాథ్ హీరోయిన్స్‌‌‌‌గా నటిస్తున్న ఈ చిత్రంలో కునాల్ కపూర్ కీలక పాత్రలో కనిపించనున్నాడు. ఎం.ఎం.కీరవాణి సంగీతం అందిస్తున్నారు.
మరోవైపు చిరంజీవి ప్రస్తుతం అనిల్ రావిపూడి దర్శకత్వంలో ఓ మూవీ చేస్తున్నారు. ఈ సినిమా షూటింగ్ శరవేగంగా జరుగుతోంది. వచ్చే సంక్రాంతికి రిలీజ్ చేయనున్నట్టు ఇప్పటికే ప్రకటించారు. చిరంజీవి నుంచి బ్యాక్ టు బ్యాక్ సినిమాలు రానుండటంతో ఫ్యాన్స్ సంతోషం వ్యక్తం చేస్తున్నారు.
