- రోజువారి పర్యవేక్షణ అవసరం
- కలెక్టర్లతో మంత్రి ఉత్తమ్కుమార్రెడ్డి వీడియో కాన్ఫరెన్స్
నిజామాబాద్, వెలుగు: కస్టమ్ మిల్లింగ్ రైస్(సీఎంఆర్) సేకరించడంపై దృష్టి పెట్టాలని సివిల్ సప్లయ్ మినిస్టర్ ఉత్తమ్కుమార్రెడ్డి ఆదేశించారు. సోమవారం ఆయన కలెక్టర్లతో వీసీ నిర్వహించి రివ్యూ చేశారు. డిసెంబర్నాటికి గడువు ముగిసినా ఎఫ్సీఐకి చేరాల్సిన సీఎంఆర్ఇంకా మిల్లర్ల వద్ద ఉందని, అందుకే ఈ నెల 21 వరకు గడువు ఇచ్చామని, ఈ ఛాన్స్ను మిల్లర్లు ఉపయోగించుకోవాలన్నారు. సంబంధిత అధికారులు మిల్లర్ల నుంచి బియ్యం వచ్చేలా రోజువారీ పర్యవేక్షణ చేయాలన్నారు.
మిల్లర్లు సీఎంఆర్ వడ్లను పక్కదారి పట్టిస్తే కఠిన చర్యలు తీసుకోవాలని సూచించారు. ఎక్కడ రీసైక్లింగ్ దందా జరగడానికి వీలులేదన్నారు. ప్రజాపాలనలో వచ్చిన 4,76,321 దరఖాస్తులలో ఇప్పటిదాకా 1,49,953 అప్లికేషన్లను ఆన్లైన్లో నమోదు చేశామని, మిగతా వాటిని ఈనెల 17 వరకు పూర్తి చేస్తామని కలెక్టర్ రాజీవ్గాంధీ హన్మంతు తెలిపారు. అడిషనల్కలెక్టర్లు చిత్రామిశ్రా, యాదిరెడ్డి పాల్గొన్నారు.
