బాసర, వెలుగు: బాసరలోని ప్రసిద్ధ పుణ్యక్షేత్రం జ్ఞాన సరస్వతి దేవి అమ్మ వారి సన్నిధిలో ఈనెల 21 నుంచి 23 వరకు నిర్వహించే వసంత పంచమి ఉత్సవాలకు రావాలని సీఎం రేవంత్రెడ్డికి ఆహ్వానం అందించారు. సోమవారం హైదరాబాద్లోని ముఖ్యమంత్రి నివాసంలో సీఎంతోపాటు రాష్ట్ర దేవాదాయ ధర్మాదాయ శాఖ మంత్రి కొండా సురేఖకు, దేవాదాయ శాఖ కమిషనర్ హరీశ్కు ఆలయ ఈవో అంజనీదేవి, ప్రధాన అర్చకులు సంజీవ్ పూజారి ఆహ్వాన పత్రికలు అందజేశారు. ముందుగా సీఎంకు వేద పండితులు ఆశీర్వచనాలు అందజేసి అమ్మవారి ప్రసాదాలు అందించారు.
అనంతరం సీఎం, మంత్రి చేతుల మీదుగా వసంత పంచమి ఉ త్సవ ఆహ్వాన పత్రిక, వాల్పోస్టర్లను ఆవిష్కరించారు. ఉత్సవాల్లో భక్తులకు ఇబ్బందులు కలగకుండా అన్ని ఏర్పాట్లు చేయాలని ముఖ్యమంత్రి అధికారులకు సూచించారు. బాసర ఆలయ మాస్టర్ ప్లాన్ గురించి సీఎం దృష్టికి తీసుకెళ్లగా త్వరలో పనులు చేపడుతామని హామీ ఇచ్చినట్లు ఆలయ అధికారులు తె లిపారు.
