పద్మారావునగర్/ తార్నాక/ వికారాబాద్, వెలుగు: గ్రేటర్హైదరాబాద్లో సీఎం రేవంత్రెడ్డి బర్త్డే వేడుకలు శనివారం ఘనంగా జరిగాయి. సనత్నగర్ నియోజకవర్గంలోని శ్యామలకుంటలో కంజర్ల విజయలక్ష్మి యాదవ్ ఆధ్వర్యంలో అంగన్వాడీ సెంటర్లో నిర్వహించిన వేడుకల్లో మంత్రి అజారుద్దీన్, పీసీసీ వైస్ ప్రెసిడెంట్ డాక్టర్ కోట నీలిమ పాల్గొని కేక్ కట్ చేశారు. అనంతరం అమీర్పేటలో కూడా కేక్ కట్ చేసి అన్నదానం నిర్వహించారు. తెలంగాణ పునర్నిర్మాణంలో సీఎం రేవంత్ కీలకపాత్ర పోషిస్తున్నారని కొనియాడారు.
రేవంత్రెడ్డి నాయకత్వంలో రాష్ట్రం అన్ని రంగాల్లో వేగంగా అభివృద్ధి సాధిస్తోందన్నారు. తార్నాకలోని తన క్యాంపు ఆఫీస్లో డిప్యూటీ మేయర్ మోతే శ్రీలత కేక్ కట్ చేసి సంబురాలు నిర్వహించారు. ఈ కార్యక్రమంలో టీటీయూసీ రాష్ట్ర అధ్యక్షుడు మోతే శోభన్ రెడ్డి పాల్గొన్నారు. ఈ సందర్భంగా వారు మాట్లాడుతూ.. సీఎం రేవంత్రెడ్డి ఆయురారోగ్యాలతో అష్టైశ్వర్యాలతో వర్ధిల్లాలని కోరుకుంటున్నట్లు చెప్పారు. అలాగే వికారాబాద్లో కాంగ్రెస్ పట్టణ అధ్యక్షుడు అర్థ సుధాకర్ రెడ్డి ఆధ్వర్యంలో వేడుకలు నిర్వహించారు. ఏరియా ఆసుపత్రిలో రోగులకు పండ్లు, బ్రెడ్పంపిణీ చేశారు.
