- మిథిలాస్టేడియం నుంచి మార్కెట్ కమిటీ యార్డుకు వేదిక తరలింపు
- ఏర్పాట్లు పరిశీలించిన కలెక్టర్, ఎస్పీలు
భద్రాచలం, వెలుగు : ఈనెల 11న భద్రాచలంకు సీఎం రేవంత్రెడ్డి రానున్నారు. రామాలయం దర్శనం తర్వాత తొలుత ఐదవ గ్యారంటీ ఇందిరమ్మ ఇళ్ల పథకాన్ని రామాలయం వద్ద మిథిలాస్టేడియంలో ప్రారంభించాలని షెడ్యూల్లో పెట్టారు. అక్కడ ఏర్పాట్లు చేయాలని కలెక్టర్ ప్రియాంక అలా ఆఫీసర్లను ఆదేశించారు. అయితే మిథిలాస్టేడియంలో బారికేడ్లు ఉండడం, 3వేల మందికి అక్కడ ఇబ్బంది ఉంటుందని గుర్తించిన ఆఫీసర్లు విషయాన్ని ఉన్నతాధికారుల దృష్టికి తీసుకెళ్లారు.
దీంతో వేదికను చర్ల రోడ్డులోని వ్యవసాయ మార్కెట్కమిటీ యార్డులోకి మర్చారు. యార్డులో యుద్ధప్రాతిపదికన ఏర్పాట్లు చేస్తున్నారు. ఎస్పీ రోహిత్రాజ్ భద్రతా ఏర్పాట్లపై సమీక్షించారు. అన్ని శాఖల ఆఫీసర్లతో ఆర్డీవో ఆఫీసులో కలెక్టర్ రివ్యూ చేశారు. ఆయా శాఖలపై సీఎం వివరాలు అడిగే అవకాశం ఉన్నందున పూర్తి స్థాయి నివేదికలతో రావాలని ఆదేశించారు.
