హైదరాబాద్, వెలుగు: తెలుగు రాష్ట్రాల్లో అతిపెద్ద వస్త్రవ్యాపార సంస్థ సీఎంఆర్ టెక్స్టైల్స్మేడ్చల్లో షాపింగ్ మాల్‌‌‌‌‌‌‌‌ను ఏర్పాటు చేసింది. దీనిని సినీ నటుడు విశ్వక్సేన్ శుక్రవారం ప్రారంభించారు.
ఈ సందర్భంగా సీఎంఆర్ చైర్మన్ మావూరి వెంకటరమణ మాట్లాడుతూ తెలుగు రాష్ట్రాలవాసులు గత నాలుగేళ్లుగా తమ సంస్థను ఎంతగానో ఆదరిస్తున్నారని చెప్పారు. తమ దగ్గర షాపింగ్ ప్రపంచస్థాయి అనుభూతిని ఇస్తుందన్నారు.
కుటుంబం అంతటికీ నచ్చేలా తక్కువ ధరలకే దుస్తులు ఇవ్వడం తమ ప్రత్యేకత అని చెప్పారు. వస్త్రాలను తమ సొంత మగ్గాలపైనే నేయిస్తున్నామని రమణ చెప్పారు.
ఎండీ మావూరి మోహన్ బాలాజీ మాట్లాడుతూ ఇక్కడ అందరికీ నచ్చే అన్ని రకాల వెరైటీలు, డిజైన్లు లభిస్తాయని చెప్పారు. సీఎంఆర్ నాలుగు దశాబ్దాలుగా వస్త్రరంగంలో క్వాలిటీకి, డిజైన్స్కు మరోపేరుగా నిలిచిందని విశ్వక్సేన్ ప్రశంసించారు.
స్టోర్ అంతా తిరుగుతూ అన్ని రకాల వస్త్రాలను పరిశీలించారు. తనకు అన్ని రకాల కలెక్షన్స్ బాగా నచ్చాయన్నారు. తను షాపింగ్ చేసిన వాటిని అభిమానులకే ఇచ్చేశారు.
