భద్రాద్రికొత్తగూడెం, వెలుగు : అన్ని ప్రభుత్వ శాఖల్లో బయోమెట్రిక్ అటెండెన్స్ తప్పనిసరిగా ఉండాలని కలెక్టర్ డాక్టర్ ప్రియాంక అల ఆదేశించారు. కలెక్టరేట్ లో పలు శాఖల ఆఫీసర్లతో సోమవారం నిర్వహించిన రివ్యూ మీటింగ్లో ఆమె మాట్లాడారు. కొన్ని శాఖల్లో బయోమెట్రిక్ అటెండెన్స్ తక్కువగా ఉండడంపై ఆమె ఆగ్రహం వ్యక్తం చేశారు. తక్కువ అటెండెన్స్ఉన్న శాఖల ఆఫీసర్లకు షోకాజ్నోటీస్లు ఇవ్వాలని ఏఓను ఆదేశించారు. ప్రతి వారం బయోమెట్రిక్ అటెండెన్స్పై రివ్యూ చేస్తామని పేర్కొన్నారు. ఎన్నికల కోడ్నేపథ్యంలో కొత్తగా అభివృద్ధి పనులు చేపట్టవద్దన్నారు.
ప్రస్తుతం జరుగుతున్న పనులపై నివేదికలను అందజేయాలన్నారు. గవర్నమెంట్ఆఫీస్లలో రాజకీయ నాయకుల ఫోటోలు కనిపిస్తే సీరియస్ యాక్షన్ ఉంటుందన్నారు. అంగన్వాడీ కేంద్రాల్లో రెయిన్ హార్వెస్టింగ్ స్ట్రక్చర్ ఏర్పాటుపై చర్చించారు. రివ్యూలో అడిషనల్ కలెక్టర్లు రాంబాబు, మధుసూదనరాజు, డీఆర్ఓ రవీంద్రనాథ్ పాల్గొన్నారు.
ఎన్నికల నిబంధనలను పక్కాగాఅమలు చేయాలి ..
ఎన్నికల నిబంధనలకు పక్కాగా అమలు చేయాలని ఆఫీసర్లను కలెక్టర్ ప్రియాంక ఆదేశించారు. కలెక్టరేట్ నుంచి అన్ని శాఖల జిల్లా ఆఫీసర్లు, తహసీల్దార్లు, ఎంపీడీఓలతో నిర్వహించిన వీడియో కాన్ఫరెన్స్లో ఆమె మాట్లాడారు. పోలింగ్ కేంద్రాలను సెక్టోరియల్ ఆఫీసర్లు సందర్శించాలన్నారు. పోలింగ్ కేంద్రాల్లో మౌలిక సదుపాయాల కల్పనలో నిర్లక్ష్యం వహిస్తే చర్యలు తీసుకుంటానని హెచ్చరించారు. అంతకుముందు కలెక్టరేట్లో కలెక్టర్ గ్రీవెన్స్ నిర్వహించి ప్రజల నుంచి దరఖాస్తులను తీసుకున్నారు.
