- ఆకట్టుకున్న భరతనాట్యం, శివపార్వతుల ప్రదర్శన
కామారెడ్డి, వెలుగు: ప్రాచీన కాలం నాటి కట్టడాలను కాపాడుకోవాల్సిన బాధ్యత అందరిపై ఉందని కలెక్టర్ జితేశ్ వీ పాటిల్ పేర్కొన్నారు. భిక్కనూరులోని ప్రసిద్ధ సిద్ధరామేశ్వర ఆలయ సమీపంలోని కోనేరు వద్ద ఆదివారం రాత్రి జరిగిన కల్చరల్ ప్రోగ్రామ్స్ను ఆయన ప్రారంభించారు. కలెక్టర్ మాట్లాడుతూ.. పురాతన బావులను పునరుద్ధరించడం వల్ల భావితరాలకు పురాతన కట్టడాల ప్రముఖ్యత తెలియడంతో పాటు, భూగర్భజలాలు పెరుగుతాయన్నారు. కోనేరు పునరుద్ధరణకు ముందుకొచ్చిన దాతలు కల్పన, రమేశ్ను కలెక్టర్ అభినందించారు. స్థానిక ఎంపీపీ గాల్రెడ్డి, ప్రజాప్రతినిధులు, స్వచ్చంద సంస్థల ప్రతినిధులు, స్థానికులు పెద్ద సంఖ్యల్లో పాల్గొన్నారు.
ఆకట్టుకున్న కల్చరల్ ప్రోగ్రామ్స్
ప్రాచీన భిక్కనూరు సిద్ధరామేశ్వర ఆలయ కోనేరు పునరుద్ధరణ అనంతరం ఆదివారం రాత్రి చేపట్టిన భరతనాట్యం, శివపార్వతుల నృత్యం ఆకట్టుకున్నాయి. కోనేరును రంగురంగుల దీపాలతో అలంకరించారు.
