- భద్రాద్రికొత్తగూడెం కలెక్టర్ ప్రియాంక అల
భద్రాద్రికొత్తగూడెం, వెలుగు : జిల్లాలో చేపడుతున్న ఆయా ప్రాజెక్టులకు సంబంధించిన భూ సేకరణ పనులు స్పీడప్ చేయాలని కలెక్టర్ డాక్టర్ ప్రియాంక అల అధికారులకు సూచించారు. కలెక్టరేట్లో భూ సేకరణ, సింగరేణి, రెవెన్యూ, సర్వే అండ్ ల్యాండ్ రికార్డ్స్, ఇరిగేషన్ శాఖల అధికారులతో బుధవారం నిర్వహించిన రివ్యూ మీటింగ్లో ఆమె మాట్లాడారు. సీతారామ ఎత్తిపోతల స్కీం, సీతమ్మ సాగర్ మొదట, రెండో, మూడో దశ ప్రాజెక్టులకు భూ సేకరణ ఎంత వరకు వచ్చిందనే విషయాన్ని అడిగి తెలుసుకున్నారు. పులుసుబొంత ప్రాజెక్ట్, బీటీపీఎస్ రైల్వేలైన్ ప్రాజెక్ట్లకు సంబంధించి భూ సేకరణ
కోర్టు కేసులపై చర్చించారు. సీతారామ లిఫ్ట్ ఇరిగేషన్ భూ నిర్వాసితులకు చెల్లించే నష్ట పరిహారం రూ. 75కోట్లు త్వరిత గతిన చెల్లించే విధంగా చర్యలు చేపట్టాలన్నారు. సీతమ్మ సాగర్ ప్రాజెక్ట్ కు సంబంధించి పెండింగ్లో ఉన్న దుమ్ముగూడెం, చర్ల మండలాల్లోని ఎనిమిది గ్రామాల్లో భూ సేకరణ పనులను స్పీడ్గా చేపట్టాలని సూచించారు. పనులకు సంబంధించి నివేదికలను వారంలో భద్రాచలం ఆర్డీఓకు అందజేయాలని తహసీల్దార్లను ఆదేశించారు.
పులుసుబొంత ప్రాజెక్ట్ భూ సేకరణకు సామాజిక, ఆర్థిక సర్వే నిర్వహించి నివేదికలను ఇవ్వాలన్నారు. సమావేశంలో డీఆర్ఓ రవీంద్రనాథ్, బీటీపీఎస్ సీఈ బిచ్చన్న, ఇరిగేషన్ఈఈ అర్జున్, ఆర్అండ్బీ ఈఈ వెంకటేశ్వర్లు, స్పెషల్ డిప్యూటీ కలెక్టర్ సుమ, ఎన్పీడీసీఎల్ ఎస్ఈ రమేశ్ పాల్గొన్నారు.
