నిర్మల్ మున్సిపల్ వైస్ చైర్మన్,కౌన్సిలర్లకు షాక్ ఇచ్చారు అధికారులు. వారిద్దరిని పదవి నుంచి తప్పిస్తూ... కలెక్టర్ ఉత్తర్వులు జారీ చేశారు. మున్సిపల్ వైస్ ఛైర్మన్ సాజీద్ ఖాన్ ను సస్పెండ్ చేస్తూ ఉత్తర్వులు జారీ చేశారు. మైనర్ బాలికపై అత్యాచారం కేసులో ఇద్దర్నీ అరెస్ట్ అయినందుకు వారిపై చర్యలు తీసుకున్నారు. రేప్ కేసులో నిందితుడైన నిర్మల్ మున్సిపల్ వైస్ చైర్మన్ సాజిద్ ను పోలీసులు బుధవారం అరెస్టు చేశారు. ఈ కేసులో నిందితులైన మరో ఇద్దరు అన్నపూర్ణ అలియాస్ అను, కారు డ్రైవర్ జాఫర్ అలియాస్ వసీంలను కూడా అదుపులోకి తీసుకున్నారు. ఇప్పటికే సాజిద్ పై పోక్సో కేసు పెట్టిన పోలీసులు.. తాజాగా రౌడీషీట్ ఓపెన్ చేశారు. ఈ కేసు వివరాలను డీఎస్పీ ఉపేందర్ రెడ్డి వెల్లడించారు.
‘‘సాజిద్ కు అన్నపూర్ణ అనుచరురాలిగా వ్యవహరిస్తోంది. ఆమెకు తన తండ్రితో ఉన్న వివాదాన్ని పరిష్కరించడంతో పాటు ప్లాట్ గిఫ్టుగా ఇస్తానని అన్నపూర్ణను సాజిద్ ప్రలోభపెట్టాడు. స్థానిక కాలనీకి చెందిన బాలికను హైదరాబాద్ తీసుకురావాలని ఆమెకు చెప్పాడు. దీంతో అన్నపూర్ణ బాధితురాలి తల్లితో మాట్లాడింది. నిజామాబాద్ లో ఫంక్షన్కు బాలికను తీసుకెళ్తానంటూ నమ్మించింది. ప్లాన్ ప్రకారం ఈ నెల 9న బాలికను మొదట బస్సులో సోఫీనగర్ వరకు తీసుకువెళ్లి, అక్కడి నుంచి కారులో హైదరాబాద్ తీసుకెళ్లారు. అక్కడ రెండ్రోజులు బాలికపై అత్యాచారం చేసిన సాజిద్.. తిరిగి నిర్మల్ తీసుకొచ్చాడు. బాలికను తల్లి నిలదీయగా అసలు విషయం చెప్పింది. దీంతో ఆమె ఫిర్యాదు చేస్తామని చెప్పడంతో అన్నపూర్ణ బెదిరించింది. అయినప్పటికీ బాలిక తల్లి భయపడకుండా సఖి కేంద్రాన్ని ఆశ్రయించి నిర్మల్ రూరల్ పోలీస్ స్టేషన్ లో ఫిర్యాదు చేసింది” అని డీఎస్పీ వివరించారు.
ఇవి కూడా చదవండి:
