ఇమ్యూనిటీ పెంచుకునేందుకు, హెల్దీగా ఉండేందుకు ఏమేం తినాలో అన్నీ తింటున్నారు. అయితే రోజూ తినే కొన్ని ఫుడ్స్ ఇమ్యూనిటీని తగ్గిస్తాయట. అందుకే ఆరోగ్యం కోసం ఏవి తక్కువ తినాలో, వేటిని పూర్తిగా మానేయాలో తెలుసుకోవడం ముఖ్యం అంటున్నారు న్యూట్రిషనిస్ట్లు.
చక్కెర ఎక్కువ
టీ, కాఫీలో చక్కెర వేశాక కూడా కొందరు తీపి సరిపోలేదని ఇంకొంచెం వేసుకుంటారు. అయితే అదనపు చక్కెర ఉన్న ఫుడ్స్ రక్తంలో చక్కెర మోతాదు పెంచుతాయి. దాంతో ఇమ్యూనిటీ మీద నెగెటివ్ ఎఫెక్ట్ చూపే ఇన్ఫ్లమేటరీ ప్రొటీన్లు ఉత్పత్తి అవుతాయి. బ్లడ్ షుగర్ ఎక్కువైతే జీర్ణాశయంలోని బ్యాక్టీరియాకు హాని చేస్తుంది. దాంతో జీర్ణక్రియ దెబ్బతింటుంది. తొందరగా ఇన్ఫెక్షన్ల బారిన పడే అవకాశం ఉంది.
సాల్ట్
ప్యాకేజ్డ్ చిప్స్, బేకరీ ఐటమ్స్లో ఉప్పు ఎక్కువ ఉంటుంది. బాడీలో సాల్ట్ ఎక్కువ ఉంటే ఇన్ఫ్లమేషన్కు కారణమవుతుంది. ఆటోఇమ్యూన్ డిసీజ్లు వచ్చే ఛాన్స్ ఉంది. ఉప్పు ఇమ్యూనిటీ వ్యవస్థ పనితీరును తగ్గిస్తుంది. యాంటీ–ఇన్ఫ్లమేటరీ రెస్పాన్స్ను తగ్గిస్తుంది.
ఫ్రైడ్ ఫుడ్స్
ఫ్రెంచ్ ఫ్రై, పొటాటో చిప్స్, చికెన్ ఫ్రై వంటి ఫ్రైడ్ ఫుడ్స్లో చక్కెర కలిసిన ప్రొటీన్స్, లిపిడ్స్ ఎక్కువ ఉంటాయి. ఇవి ఇన్ఫ్లమేషన్, కణాలను దెబ్బతీస్తాయి. దాంతో శరీరంలోని యాంటీ ఆక్సిడెంట్ సిస్టమ్ నెమ్మదిగా పనిచేస్తుంది.
కెఫిన్
కెఫిన్ ఉన్న డ్రింక్స్ ఎక్కువగా తాగితే నిద్రకు సంబంధించిన సమస్యలు వస్తాయి. దాంతో ఇన్ఫ్లమేషన్ పెరుగుతుంది. చక్కెర, ఆర్టిఫీషియల్ స్వీట్నర్స్ ఉండే కూల్డ్రింక్స్, ఎనర్జీ డ్రింక్స్లో న్యూట్రియెంట్స్ అస్సలు ఉండవు.
