- చర్యలు తీసుకోవాలని పీఎస్లో ఫిర్యాదు
కోల్బెల్ట్, వెలుగు: కార్మిక, మైనింగ్ శాఖ మంత్రి వివేక్ వెంకటస్వామిపై అసత్య ఆరోపణలు చేస్తూ వాట్సాప్ గ్రూపుల్లో పోస్టులు పెడుతున్న ఇద్దరు బీఆర్ఎస్ లీడర్లు, మరో వాట్సాప్ గ్రూప్ నిర్వాహకుడిపై చర్యలు తీసుకోవాలని కాంగ్రెస్ లీడర్లు గురువారం మందమర్రి పోలీసులకు ఫిర్యాదు చేశారు. కర్ణాటక మహర్షి వాల్మీకి కార్పొరేషన్ స్కామ్ లో మంత్రి వివేక్ వెంకటస్వామి పేరును ఈడీ చేర్చిందని, ఈడీ దాడులు జరుగుతున్నాయని ఈనెల 11న సోషల్ మీడియా వాట్సాప్ గ్రూపుల్లో మందమర్రికి చెందిన బీఆర్ఎస్ లీడర్లు బెల్లం అశోక్, సీపెల్లి సాగర్ తప్పుడు పోస్టులు పెట్టారు.
మంత్రిపై అనుచిత వ్యాఖ్యలతో ఫేక్ పోస్టులు చేసిన ఆ ఇద్దరితోపాటు మంచిర్యాలకు చెందిన వాట్సాప్ గ్రూప్ నిర్వాహకుడు రాజేశ్పై చర్యలు తీసుకోవాలని కాంగ్రెస్ ఎస్సీ సెల్ రాష్ట్ర కన్వీనర్ ఆకారం రమేశ్ ఆధ్వర్యంలో కాంగ్రెస్ లీడర్లు ఎస్సై రాజశేఖర్కు ఫిర్యాదు చేశారు.
