హైదరాబాద్, వెలుగు: రాష్ట్రంలో కాంగ్రెస్అనుకూల పవనాలు వీస్తున్నాయని పీసీసీ వర్కింగ్ ప్రెసిడెంట్ మహేశ్ కుమార్గౌడ్అన్నారు. కాంగ్రెస్ అధికారంలోకి వస్తేనే రాష్ట్రం బాగుపడుతుందని వెల్లడించారు. శనివారం ఆయన గాంధీభవన్లో మీడియాతో మాట్లాడారు. రాష్ట్రంలో 40 మంది వరకు బీసీ అభ్యర్థులు గెలిచే అవకాశం ఉందని, వారికి టికెట్లు ఇవ్వాలని కోరుతున్నామని మహేశ్ గౌడ్ చెప్పారు. రాహుల్ గాంధీ కూడా బీసీలకు మద్దతుగా ఉంటున్నారని తెలిపారు. స్క్రీనింగ్ కమిటీ త్వరలోనే నిర్ణయం తీసుకుంటుందన్నారు. ఏఐసీసీ చీఫ్ మల్లికార్జున ఖర్గేతో కమ్యూనికేషన్ గ్యాప్వల్ల ఇబ్బంది పడ్డామని వెల్లడించారు. అపాయింట్మెంట్ లేకుండానే ఢిల్లీకి వెళ్లామని మహేశ్ గౌడ్ పేర్కొన్నారు.
