- కార్మికుల హక్కుల కోసం కాకా వెంకటస్వామి పోరాడిండు
- వంశీకృష్ణకు సీపీఐ-ఏఐటీయూసీ సంపూర్ణ మద్దతు
కోల్బెల్ట్/బెల్లంపల్లి/నస్పూర్, వెలుగు: కేంద్ర మాజీ మంత్రి కాకా వెంకటస్వామి బాటలోనే పెద్దపల్లి కాంగ్రెస్ఎంపీ అభ్యర్థి గడ్డం వంశీకృష్ణ ప్రజా సేవ చేస్తాడని చెన్నూరు ఎమ్మెల్యే వివేక్ వెంకటస్వామి అన్నారు. ఆదివారం నస్పూర్మున్సిపాలిటీలోని పీవీఆర్ గార్డెన్స్లో శ్రీరాంపూర్ ఏరియా సింగరేణి గుర్తింపు సంఘం ఏఐటీయూ–సీ-సీపీఐ జనరల్బాడీ మీటింగ్ నిర్వహించారు. సమావేశానికి హాజరైన ఎమ్మెల్యే వివేక్ మాట్లాడుతూ.. కాకా వెంకటస్వామి జీవితాంతం కార్మికుల సంక్షేమం కోసం పోరాడారని, 101 యూనియన్లకు అధ్యక్షుడిగా కొనసాగిన గొప్ప లీడర్ అన్నారు.
సింగరేణి సంస్థ నష్టాల బారిన పడినప్పుడు రూ.650 కోట్లను ఎన్టీపీసీ నుంచి రుణం ఇప్పించి సంస్థతో పాటు లక్ష ఉద్యోగులను కాపాడారన్నారు. కేంద్రమంత్రిగా కొనసాగిన కాలంలో కోలిండియా బొగ్గు గని కార్మికులు, ప్రైవేటు సెక్టార్ కార్మికులకు పెన్షన్ విధానం తీసుకొచ్చారని గుర్తుచేశారు. ఆయన బాటలో నడుస్తున్న వంశీకృష్ణను ఎంపీగా గెలిపించాలని కోరారు.
సింగరేణి కార్మికుల హక్కులు, సంక్షేమం కోసం ఇండియా కూటమి సపోర్టు చేస్తున్న ఎంపీ అభ్యర్థి వంశీకృష్ణను గెలిపిస్తామని లీడర్లు సంపూర్ణ మద్దతు ప్రకటించారు. ఈ సమావేశంలో ఏఐటీయూసీ స్టేట్ ప్రెసిడెంట్ వాసిరెడ్డి సీతారామయ్య, డిప్యూటీ జనరల్ సెక్రటరీలు వీరభద్రయ్య, బాజీసైదా, ముస్కె సమ్మయ్య, సీపీఐ జిల్లా సెక్రటరీ రామడుగు లక్ష్మణ్, సీనియర్జర్నలిస్ట్ ఎండీ మునీర్, కాంగ్రెస్ రాష్ట్ర లీడర్ బండి సదానందం యాదవ్ తదితరులు పాల్గొన్నారు.
కల్వరి చర్చిలో ఎమ్మెల్యేల ప్రార్థనలు
బెల్లంపల్లి మండలంలోని కల్వరి చర్చిలో క్రైస్తవులతో కలిసి చెన్నూరు, బెల్లంపల్లి ఎమ్మెల్యేలు వివేక్ వెంకటస్వామి, గడ్డం వినోద్ ప్రత్యేక ప్రార్థనలు చేశారు. పాస్టర్ ప్రవీణ్ ప్రత్యేక ప్రార్థనలు చేసి ఎమ్మెల్యేలను ఆశీర్వదించారు. వారి వెంట బెల్లంపల్లి మున్సిపల్ చైర్పర్సన్జక్కుల శ్వేత, మాజీ చైర్మన్మత్తమూరి సూరిబాబు, మాజీ జడ్పీటీసీ రాంచందర్, లీడర్లు బండి సదానందం యాదవ్, హేమవతి, మునిమంద రమేశ్, ప్రదీప్, నాతరి స్వామి తదితరులున్నారు. అంతకు ముందు ఎమ్మెల్యేలు, మాజీ ఎమ్మెల్సీ వెంకట్రావు బెల్లంపల్లి పట్టణం మార్కెట్ఏరియాలో జనగణమణ గేయాలపన కార్యక్రమంలో
పాల్గొన్నారు.
కాంగ్రెస్లో పలువురి చేరిక
జైపూర్ మండలం ముదిగుంట గ్రామంలో జరిగిన కార్యక్రమంలో లీడర్ శ్రీనివాస్ యాదవ్ నేతృత్వంలో బీఆర్ఎస్, ఎమ్మార్పీఎస్ లీడర్లు ఎమ్మెల్యే వివేక్సమక్షంలో కాంగ్రెస్లో చేరారు. కాన్కూర్మాజీ ఉప సర్పంచి భారతి వెంకటస్వామి, వార్డు మెంబర్రేగుంట పద్మ, ఎమ్మార్పీఎస్ లీడర్లు రేగుంట సంపత్, బాపురావు, శంకర్తో పాటు పలువురు చేరారు. రసూల్పల్లిలోని పోచమ్మ తల్లి ఆలయంలో ఎమ్మెల్యే పూజలు చేశారు.
వంశీకి ఎమ్మార్పీఎస్, సీఐటీయూ మద్దతు
ఇండియా కూటమి బలపరుస్తున్న అభ్యర్థి గడ్డం వంశీని గెలిపించాలని ఎమ్మార్పీఎస్ మంచిర్యాల టౌన్ ప్రెసిడెంట్కొండ్ర రాజు, జిల్లా ప్రెసిడెంట్ కోంకట రవీందర్, రాష్ట్ర లీడర్ తుంగపిండి రాజేశ్కుమార్ పిలుపునిచ్చారు. వంశీకృష్ణకు మంచి విజన్ ఉందని, ప్రజా సేవ కోసమే రాజకీయాల్లోకి వచ్చారన్నారు. వంశీకృష్ణకు మాదిగల మద్దతు ఉంటుందని, ఆయనను భారీ మోజార్టీతో గెలిపించేందుకు మాదిగలంతా సిద్ధంగా ఉన్నారని తెలిపారు. ప్రభుత్వ రంగ సంస్థలను కార్పొరేట్కు అమ్ముతున్న బీజేపీని ఎన్నికల్లో ఓడించాలని, వంశీకృష్ణను సింగరేణి కార్మికవర్గం గెలిపించాలని సీఐటీయూ ప్రెసిడెంట్ ఎస్.వెంకటస్వామి, సెక్రటరీ అల్లి రాజేందర్, రామగిరి రామస్వామి పిలుపునిచ్చారు.
