- కామారెడ్డిలో సీఎం కేసీఆర్ను ఢీకొట్టనున్నరేవంత్రెడ్డి
- బాన్సువాడలో స్పీకర్పై పోటీగా ఏనుగు రవీందర్ రెడ్డి
- జుక్కల్లో ఎన్ఆర్ఐ లక్ష్మీకాంతరావుపోటీ
- ఇది వరకే మదన్ మోహన్కు ఎల్లారెడ్డి టికెట్ ఖరారు
కామారెడ్డి, వెలుగు : కామారెడ్డి జిల్లాలోని నాలుగు సెగ్మెంట్లల్లో కాంగ్రెస్ నలుగురికి కొత్తవారికే అవకాశం కల్పించింది. ఆయా చోట్ల టికెట్కోసం సీనియర్లు పోటీ పడినా అధిష్టానం మాత్రం బీఆర్ఎస్, బీజేపీ లకు గట్టి పోటీనిచ్చే వారికే అవకాశమిచ్చింది. వివిధ సమీకరణలు, సర్వేలు, ప్రజల్లో వారికున్న ఆదరణను దృష్టిలో పెట్టుకొని టికెట్లు ఖరారు చేసింది. ఎల్లారెడ్డి స్థానానికి మదన్మోహన్రావు పేరును ఇది వరకే ప్రకటించిన అధిష్టానం సోమవారం రాత్రి మరో మూడు స్థానాలకు అభ్యర్థులను ప్రకటించింది. కామారెడ్డి నుంచి టీపీసీసీ ప్రెసిడెంట్ రేవంత్రెడ్డి, బాన్సువాడలో మాజీ ఎమ్మెల్యే ఏనుగు రవీందర్రెడ్డి, జుక్కల్లో లక్ష్మీకాంతరావు బరిలో నిలువనున్నారు.
కేసీఆర్ను ఢీకొట్టేందుకు..
కామారెడ్డిలో బీఆర్ఎస్ నుంచి కేసీఆర్ పోటీ చేస్తున్నారు. ఇక్కడ కాంగ్రెస్ తరఫున మాజీ మంత్రి, స్థానిక సీనియర్ నేత షబ్బీర్అలీ పోటీకి రెడీ అయ్యారు. సీఎం కేసీఆర్ను కట్టడి చేసే వ్యూహంలో భాగంగా రేవంత్రెడ్డిని ఇక్కడ పోటీలో నిలుపుతున్నారు. మైనార్టీలు అధికంగా ఉన్న నిజామాబాద్ అర్బన్ సీటు షబ్బీర్అలీకి కేటాయించారు. టీపీసీసీ ప్రెసిడెంట్రేవంత్రెడ్డి ఇక్కడి నుంచి పోటీ చేస్తుండడంతో ఆ పార్టీ శ్రేణుల్లో ఫుల్జోష్ వచ్చింది.
పోచారంను ధీటుగా ఎదుర్కొనేందుకు..
వరుస విజయాలు సాధిస్తున్న బీఆర్ఎస్అభ్యర్థి, స్పీకర్పోచారం శ్రీనివాస్రెడ్డికి టఫ్ఫైట్ఇచ్చి బాన్సువాడను తమ ఖాతాలో వేసుకోవాలని కాంగ్రెస్భావిస్తోంది. ఈ నేపథ్యంలో ఎల్లారెడ్డి మాజీ ఎమ్మెల్యే ఏనుగు రవీందర్రెడ్డికి ఇక్కడ టికెట్ కేటాయించారు. ఈయన బీఆర్ఎస్ ఆవిర్భావం నుంచి ఆ పార్టీలో కొనసాగారు. జిల్లాలో ముఖ్య నేతగా వ్యవహరించారు. 2018 ఎన్నికల్లో ఎల్లారెడ్డిలో ఓటమి తర్వాత బీజేపీలో చేరిన ఆయన, మారిన సమీకరణాల దృష్ట్యా కాంగ్రెస్లో చేరి, బాన్సువాడ టికెట్దక్కించుకున్నారు.
సీనియర్నేతను కాదని..
జుక్కల్ టికెట్ కోసం మాజీ ఎమ్మెల్యే, సీనియర్ నేత గంగారాం, ఉమ్మడి జిల్లా డీసీసీ మాజీ ప్రెసిడెంట్ గడుగు గంగాధర్, ఎన్ఆర్ఐ లక్ష్మీకాంతరావు తీవ్రంగా పోటీ పడ్డారు. లక్ష్మీకాంతరావుపై నమ్మకంతో కాంగ్రెస్ ఆయనకు టికెట్ కేటాయించింది. లక్ష్మీకాంతరావు గతేడాది నియోజకవర్గంలో రాహుల్ పర్యటనను విజయవంతం చేసి అగ్రనేతల దృష్టిలో పడ్డారు. రెండేళ్ల నుంచి నియోజకవర్గంలో ముమ్మరంగా ప్రచారం చేస్తూ క్యాడర్ను డెవలప్ చేసుకున్నారు.
