సోమాజిగూడలోని ప్రెస్ క్లబ్లో కానిస్టేబుల్, ఎస్సై అభ్యర్థులు ఉద్యమకార్యాచరణ ప్రకటించారు. తమ సమస్యలపై ప్రభుత్వం స్పందించే వరకు ఆందోళనలు కొనసాగిస్తామని స్పష్టం చేశారు. ఈ నెల 6న దున్నపోతులకు వినతి పత్రాలు ఇవ్వాలని నిర్ణయించారు. 7న అన్ని కలెక్టరేట్ల ఎదుట ధర్నా నిర్వహించనున్నట్లు ప్రకటించారు. ఈ నెల 9న ఛలో హైదరాబాద్ కు పిలుపునిచ్చిన అభ్యర్థులు పాత విధానంలోనే కానిస్టేబుల్, ఎస్సై రిక్రూట్ మెంట్ కొనసాగించాలని డిమాండ్ చేస్తున్నారు.
దేశంలో 4 మీటర్ల లాంగ్ జంప్ ఎక్కడా లేదని అభ్యర్థులు ఆరోపిస్తున్నారు. 200 మార్కుల క్వశ్చన్ పేపర్లో 20 ప్రశ్నలు తప్పుగా ఇచ్చారని మండిపడుతున్నారు.పేద విద్యార్థుల నుంచి కోట్లలో డబ్బులు వసూలు చేశారని.. విద్యార్థుల డబ్బులతోనే రిక్రూట్మెంట్స్ నిర్వహిస్తున్నారని విమర్శించారు. లాంగ్ జంప్ కారణంగా వందల మంది కానిస్టేబుల్, ఎస్సై పోస్టులకు అర్హులు కాకుండా పోయారని ఆవేదన వ్యక్తం చేశారు.
