ఆర్మీ టెక్నికల్ రిక్రూట్మెంట్ నోటిఫికేషన్ విడుదల.. ఇంజినీరింగ్ చేసినోళ్లు అప్లయ్ చేసుకోవచ్చు..

ఇండియన్ ఆర్మీ షార్ట్ సెలెక్షన్ కమిషన్ (SSC) టెక్నికల్ 67వ కోర్సులో ప్రవేశాలకు పురుష అభ్యర్థుల నుంచి అప్లికేషన్లు కోరుతున్నది. ఏదైనా స్ట్రీమ్​లో ఇంజినీరింగ్ పూర్తిచేసిన అభ్యర్థులు అర్హులు. ఆసక్తి గల వారు ఆన్​లైన్ ద్వారా అప్లై చేయవచ్చు. అప్లికేషన్లు సమర్పించడానికి చివరి తేదీ 2026, ఫిబ్రవరి 05.  

ఖాళీలు: 350. 

విభాగాల వారీగా ఖాళీలు: సివిల్ 75, కంప్యూటర్ సైన్స్ 60, ఎలక్ట్రికల్ 33, ఎలక్ట్రానిక్స్ 64, మెకానికల్ 101, ఇతర ఇంజినీరింగ్ విభాగాలు 17. 

ALSO READ : NIT వరంగల్ ఉద్యోగ నోటిఫికేషన్..

ఎలిజిబిలిటీ: గుర్తింపు పొందిన యూనివర్సిటీ/ కళాశాల నుంచి సివిల్, కంప్యూటర్ సైన్స్, ఎలక్ట్రికల్, ఎలక్ట్రానిక్స్, మెకానికల్, ఇతర ఇంజినీరింగ్ విభాగాల్లో బి.టెక్./ బీఈలో ఉత్తీర్ణత సాధించి ఉండాలి. ఇంజినీరింగ్ చివరి సంవత్సరం చదువుతున్న విద్యార్థులు కూడా అప్లై చేయవచ్చు. అయితే, 2026, అక్టోబర్ 1వ తేదీ లోపు ఇంజినీరింగ్​లో అన్ని సెమిస్టర్లలో ఉత్తీర్ణత సాధించిన సర్టిఫికెట్లను సమర్పించాల్సి ఉంటుంది. 

వయోపరిమితి: 2026, అక్టోబర్ 1 నాటికి 20 నుంచి 27 ఏండ్ల మధ్యలో ఉండాలి. అంటే అభ్యర్థులు 1999, అక్టోబర్ 01 నుంచి 2006, సెప్టెంబర్ 30 మధ్యలో జన్మించిన వారై ఉండాలి. 

అప్లికేషన్: ఆన్​లైన్ ద్వారా. 

ALSO READ : ఇంటర్ అర్హతతో CLWలో కల్చరల్ కోటా పోస్టులు..

అప్లికేషన్ ప్రారంభం: 2026, జనవరి 07. ఎలాంటి అప్లికేషన్ ఫీజు లేదు. 

లాస్ట్ డేట్: 2026, ఫిబ్రవరి 05.

సెలెక్షన్ ప్రాసెస్: షార్ట్​లిస్టింగ్, ఎస్ఎస్​బీ ఇంటర్వ్యూ, మెడికల్ ఎగ్జామినేషన్ ఆధారంగా అభ్యర్థులను ఎంపిక చేస్తారు.  

షార్ట్​లిస్ట్: 2026, మార్చి మొదటివారం.

ఎస్ఎస్​బీ ఇంటర్వ్యూ: 2026, ఏప్రిల్ – జూన్.

శిక్షణా సమయం: 2026, అక్టోబర్ నుంచి 2027, సెప్టెంబర్ వరకు. 

ట్రైనింగ్: బిహార్ రాష్ట్రం గయలోని ఆఫీసర్స్ ట్రైనింగ్ అకాడమీలో 49 వారాలపాటు ట్రైనింగ్ ఉంటుంది. ఈ సమయంలో ప్రతి నెలా రూ.56,100 స్టైఫండ్ చెల్లిస్తారు. విజయవంతంగా ట్రైనింగ్ పూర్తి చేసుకున్న అభ్యర్థులను లెఫ్టినెంట్ హోదాలో సర్వీసులోకి తీసుకుంటారు. 

ALSO READ : PGIMERలో ల్యాబ్ టెక్నీషియన్ పోస్టులు..

పూర్తి వివరాలకు  www.joinindianarmy.nic.in వెబ్​సైట్​ను సందర్శించండి. 

షార్ట్​లిస్టింగ్: ఫైనల్ సెమిస్టర్/ చివరి ఏడాది వరకు అభ్యర్థులు పొందిన మార్కుల సగటు శాతం ఆధారంగా అప్లికేషన్లు షార్ట్​లిస్ట్ చేస్తారు.  ఖాళీల సంఖ్య ఆధారంగా  ప్రతి ఇంజినీరింగ్ స్ట్రీమ్‌కు కటాఫ్  వేర్వేరుగా ఉంటుంది.

ఎస్ఎస్​బీ ఇంటర్వ్యూ:  ప్రయాగ్‌రాజ్ (ఉత్తరప్రదేశ్), భోపాల్ (మధ్యప్రదేశ్), బెంగళూరు (కర్ణాటక), జలంధర్ కంట్ (పంజాబ్)లోని సెలెక్షన్ సెంటర్లలో ఏదైనా ఒక దానిలో రెండు దశల ఎంపిక ప్రక్రియ ఉంటుంది. ఎంపిక ప్రక్రియకు గరిష్టంగా ఐదు రోజుల సమయం పడుతుంది.

మెడికల్ ఎగ్జామినేషన్: ఎస్‌ఎస్​బీ స్టేజ్-2 తర్వాత సిఫారసు చేసిన అభ్యర్థులు వైద్య పరీక్షకు హాజరు కావాల్సి ఉంటుంది.

తుది మెరిట్ జాబితా: ఎస్‌ఎస్​బీ ఇంటర్వ్యూ మార్కుల ఆధారంగా ఇంజినీరింగ్ స్ట్రీమ్/ సబ్జెక్టుల వారీగా మెరిట్ జాబితా తయారు చేస్తారు.