ఇటీవల ఈటీవీ విన్ ఓటీటీ ప్లాట్‌‌‌‌ఫామ్‌‌‌‌లో విడుదలైన కానిస్టేబుల్‌ కనకం, ఆల్‌ ఇండియా ర్యాంకర్స్‌, అనగనగా చిత్రాలకు మంచి రెస్పాన్స్ వచ్చాయని, ప్రతి చిత్రం రికార్డ్ బ్రేకింగ్ వ్యూస్‌‌‌‌తో ట్రెండింగ్ లో స్ట్రీమ్ అవుతున్నాయని ఆయా మూవీ మేకర్స్ చెప్పారు. ఈ సందర్భంగా హ్యాట్రిక్ బ్లాక్ బస్టర్ సెలబ్రేషన్స్‌‌‌‌ని నిర్వహించారు.
ఈ కార్యక్రమంలో మూడు చిత్రాలకు సంబంధించిన నటీనటులు, టెక్నీషియన్స్ పాల్గొని సంతోషం వ్యక్తం చేశారు. మరిన్ని మంచి చిత్రాలతో ముందుకువచ్చేలా సపోర్ట్ చేసిన ప్రేక్షకులకు ఈటీవీ విన్ కంటెంట్ హెడ్ నితిన్ చక్రవర్తి, ఈటీవీ బిజినెస్ హెడ్ సాయి కృష్ణ థ్యాంక్స్ చెప్పారు.
