వాంఖడే స్టేడియంలో కాసేపు పవర్ కట్ అవడం చెన్నైకి చేటు చేసింది. డీఆర్ఎస్ సిస్టమ్ కు పవర్ సరఫరా చేసే మార్గంలో షార్ట్ సర్క్యూట్ కావడంతో చెన్నై ఇన్నింగ్స్ లో తొలి 10 బంతుల పాటు డీఆర్ఎస్ అందుబాటులో లేకుండా పోయింది. ఈ కారణంగా రెండో బాల్కు కాన్వే, పదో బాల్కు ఊతప్ప ఎల్బీలకు రివ్యూ అడుగుదామనుకున్నా డీఆర్ఎస్ అందుబాటులో లేదని అంపైర్లు చెప్పారు. టాస్ టైమ్లోనూ ఓ ఫ్లడ్ లైట్ టవర్కు కాసేపు కరెంట్ సరఫరా నిలిచిపోయింది.
