హైదరాబాద్, వెలుగు: టెస్టింగ్, ఇన్‌స్పెక్షన్, సర్టిఫికేషన్ సేవలు అందించే కొటెక్నా గ్రూప్, హైదరాబాద్కు చెందిన ఎనర్గాన్ ల్యాబ్స్‌ను కొనుగోలు చేసింది. ఎనర్గాన్ ల్యాబ్స్ యూఎస్ఎఫ్‌డీఏ తనిఖీ చేసిన, సీజీఎంపీ, ఐఎస్ఓ సర్టిఫికేషన్లు పొందిన అనలిటికల్ టెస్టింగ్ లాబొరేటరీ. ఈ కొనుగోలుతో ప్రపంచవ్యాప్తంగా లైఫ్ సైన్సెస్, ఫార్మాస్యూటికల్, బయోఫార్మాస్యూటికల్, మెడికల్ డివైజ్, ప్యాకేజింగ్ రంగాల్లో కొటెక్నా తన సేవలను విస్తరించనుంది.
ఫార్మా హబ్గా గుర్తింపు పొందిన హైదరాబాద్‌లో ఎనర్గాన్ ల్యాబ్స్ ఉండటం వల్ల అత్యుత్తమ సైంటిఫిక్ నిపుణులు, ఆధునిక ల్యాబ్ సదుపాయాలు కొటెక్నాకు అందుబాటులోకి వస్తాయి. చాలాదేశాల్లోని ఫార్మా కంపెనీలకు ఈ సంస్థ సేవలు అందిస్తోందని ఎనర్గాన్ ఫౌండర్ మణికాంత్ రెడ్డి తెలిపారు.
