కరోనా విషయంలో మరోసారి రాష్ట్రాలను అలెర్ట్ చేస్తూ కేంద్ర వైద్యారోగ్యశాఖ లేఖలు రాసింది. కోవిడ్ ను ఏ మాత్రం లైట్ తీసుకోవద్దని సూచించింది. ట్రేసింగ్, టెస్టింగ్, ట్రీట్ ప్రొటోకాల్ ను కచ్చితంగా పాటించాలని తెలిపింది. వ్యాక్సినేషన్ కార్యక్రమాన్ని వేగంగా చేపట్టాలని, అర్హులైన ప్రతి ఏజ్ గ్రూప్ వారికీ అవగాహన కల్పిస్తూ కరోనా టీకా అందించాలని సూచించింది. ఈ మేరకు అన్ని రాష్ట్రాలు, కేంద్ర పాలిత ప్రాంతాల హెల్త్, చీఫ్ సెక్రటరీలకు లేఖలు పంపింది. ప్రపంచ వ్యాప్తంగా మళ్లీ కరోనా కేసులు పెరుగుతుండటంతో అన్ని రాష్ట్రాలను అప్రమత్తం చేస్తూ ఈ లేఖలు రాసింది. మాస్క్ ధరించడం, శానిటైజర్ వినయోగంలోనూ నిర్లక్ష్య ధోరణి రాకుండా చూడాలని చెప్పింది. అలాగే పక్కాగా సోషల్ డిస్టెన్సింగ్ పాటించాలని సూచించింది.
