మెల్‌‌బోర్న్‌ : ఆస్ట్రేలియాతో జరుగుతున్న రెండో టెస్ట్‌‌లో పాకిస్తాన్‌ బ్యాటింగ్‌‌లో తడబడింది. అబ్దుల్లా షఫీక్‌ (62), షాన్‌ మసూద్‌ (54) హాఫ్‌ సెంచరీలు సాధించినా.. ఆసీస్‌ కెప్టెన్‌ కమిన్స్‌ (3/37) దెబ్బకు మిగతా వారు ఫెయిలయ్యారు. దీంతో బుధవారం రెండో రోజు ఆట ముగిసే సమయానికి పాక్‌ తొలి ఇన్నింగ్స్‌‌లో 55 ఓవర్లలో 194/6 స్కోరు చేసింది. మహ్మద్‌ రిజ్వాన్‌ (29 బ్యాటింగ్‌), ఆమెర్‌ జమాల్‌ (2 బ్యాటింగ్‌) క్రీజులో ఉన్నారు. ఇమామ్‌ (10), బాబర్‌ ఆజమ్‌ (1), సౌద్‌ షకీల్‌ (9), ఆగా సల్మాన్‌ (5) నిరాశపర్చారు. లైయన్‌ 2, హాజిల్‌‌వుడ్‌ ఒక్క వికెట్‌ తీశారు. అంతకుముందు 187/3 ఓవర్‌‌నైట్‌ స్కోరుతో ఆట కొనసాగించిన ఆసీస్‌ తొలి ఇన్నింగ్స్‌‌లో 96.5 ఓవర్లలో 318 రన్స్‌‌కు ఆలౌటైంది. లబుషేన్‌ (63), మార్ష్‌ (41) నిలకడగా ఆడారు. ప్రస్తుతం పాక్‌ ఇంకా 124 రన్స్‌ వెనకబడి ఉంది.
