హైదరాబాద్: KPHBలో సైబరాబాద్ సీపీ అవినాష్ మహంతి ఆకస్మిక తనిఖీలు చేశారు. ట్రాఫిక్ జాయింట్ సీపీతో కలిసి ట్రాఫిక్ సమస్యలు పరిష్కారం కోసం కూకట్ పల్లి హౌసింగ్ బోర్డ్ ప్రాంతాల్లో తనిఖీలు నిర్వహించారు. షాపింగ్ మాల్స్ దగ్గర రోడ్లపై పార్కింగ్ చేయడం వల్ల ట్రాఫిక్ జామ్ అవుతుండటంపై ఆయన ఆగ్రహం వ్యక్తం చేశారు.
హాస్టల్స్, షాపింగ్ మాల్స్ యాజమాన్యాలు.. హాస్టల్ విద్యార్థులకు, కస్టమర్లకు పార్కింగ్ సదుపాయాలు కల్పించాలని ఆదేశించారు. రోడ్లపై, ఫుట్ పాత్లపై ఆక్రమంగా పార్కింగ్ చేసి.. వ్యాపారాలు చేస్తే కఠిన చర్యలు తప్పవని హెచ్చరించారు.
కేపీహెచ్బీ కాలనీలోని ఫుట్ పాత్లను ఆక్రమించి చేపట్టిన నిర్మాణాలను జీహెచ్ఎంసీ అధికారులు 2024లో కూడా తొలగించారు. గోకుల్ప్లాట్స్చౌరస్తా నుంచి నెక్సస్మాల్చౌరస్తా వరకు, టెంపుల్ బస్టాప్ నుంచి బ్రాండ్ఫ్యాక్టరీ (ఇప్పటి ఫ్యాషన్ ఫ్యాక్టరీ) వరకు రోడ్డుకు ఇరువైపులా ఫుట్పాత్లపై వెలసిన షాపులు, డబ్బాలు, షెడ్లను తొలగించారు.
అలాగే నార్సింగి ట్రాఫిక్, లా అండ్ ఆర్డర్ పోలీసులు, అధికారులు సంయుక్తంగా స్పెషల్డ్రైవ్చేపట్టారు. ఫుట్ పాత్పై వెలసిన అక్రమ నిర్మాణాలను, షాపులను తొలగించారు. రాయల్ ఫంక్షన్ హాల్ నుంచి గండిపేట చౌరస్తా వరకు ఉన్న అక్రమ షెడ్లను నేలమట్టం చేశారు.
