రజత్ రాఘవ్, కాజల్, హాసిని సుధీర్ హీరో హీరోయిన్లుగా బేబీ పరిణిత రుద్రరాజు ముఖ్య పాత్రలో నటించిన సినిమా ‘డ్యాడ్స్ లిటిల్ ఫ్రెండ్’. శరత్ దర్శకత్వంలో దీపక్ నిర్మిస్తున్నారు. గురువారం టీజర్‌‌‌‌‌‌‌‌ను రిలీజ్ చేశారు. ఈ సందర్భంగా నిర్వహించిన ఈవెంట్‌‌‌‌కు అతిథిగా హాజరైన రైటర్ విజయేంద్ర ప్రసాద్ మాట్లాడుతూ ‘బేబీ పరిణితతో సినిమాని తీసేందుకే దర్శకుడు, నిర్మాత పుట్టారనిపిస్తోంది. ఆ పాపకు తెలుగు సినిమా చరిత్రలో ఓ పేజీ ఉండబోతోంది.
ఈ సినిమా పెద్ద విజయం సాధించి టీమ్ అందరికీ మంచి పేరు తెచ్చిపెట్టాలని కోరుకుంటున్నా’ అని అన్నారు. హీరో రజత్ రాఘవ్ మాట్లాడుతూ ‘రోలర్ కోస్టర్ రైడ్‌‌‌‌లా సినిమా ఉంటుంది. కుటుంబ విలువల్ని చాటి చెప్పే ఈ చిత్రం ప్రతి ఫ్యామిలీకి కనెక్ట్ అవుతుంది’ అని చెప్పాడు.
టీజర్ రిలీజ్ చేసిన విజయేంద్ర ప్రసాద్‌‌‌‌కు థ్యాంక్స్ చెప్పిన దర్శక నిర్మాతలు ఈ సినిమా చిత్రీకరణ పూర్తయిందని, ప్రస్తుతం పోస్ట్ ప్రొడక్షన్ జరుగుతోందని, నవంబర్ 27న విడుదల చేయనున్నట్టు తెలియజేశారు. నటులు హాసిని సుధీర్, రాకేష్, బేబీ పరిణిత ఈ చిత్రంలో నటించడం పట్ల సంతోషం వ్యక్తం చేశారు.
