సొంతగడ్డపై దక్షిణాఫ్రికాతో జరిగిన మూడో టెస్టు మ్యాచ్‌లో ఆస్ట్రేలియా క్రికెట్ జట్టు ఊహించని ఓటమిపై ఆసీస్ మాజీ ఆటగాడు డేవిడ్ వార్నర్ (David Warner) నిప్పులు చెరిగాడు. మొదటి ఇన్నింగ్స్‌లో ఆధిక్యం సాధించినప్పటికీ, రెండో ఇన్నింగ్స్‌లో కేవలం 111 పరుగులకే కుప్పకూలడంపై వార్నర్ తీవ్ర ఆగ్రహం వ్యక్తం చేశాడు. 288 పరుగుల లక్ష్యంతో బరిలోకి దిగిన కంగారుల జట్టుని సౌతాఫ్రికా స్పిన్నర్ సైమన్ హార్మర్ (Simon Harmer - 6/16) తన అద్భుతమైన స్పెల్‌తో కకావికలం చేశాడు. ఈ ఘోర ఓటమితో టెస్ట్ సిరీస్‌ను కోల్పోవడమే కాకుండా, వరల్డ్ టెస్ట్ ఛాంపియన్‌షిప్ (WTC) పాయింట్ల పట్టికలో ఆస్ట్రేలియా 3వ స్థానానికి పడిపోయింది.
ఆస్ట్రేలియా జట్టుపై వార్నర్ ఆగ్రహం:
* ఫాక్స్ క్రికెట్ (Fox Cricket) చర్చా కార్యక్రమంలో డేవిడ్ వార్నర్ ఆస్ట్రేలియా బ్యాటింగ్ తీరును తీవ్ర స్థాయిలో కడిగిపారేశాడు. ఇది నిజంగా దారుణం! ఆస్ట్రేలియన్ క్రికెట్ మార్క్ పోరాటం ఎక్కడా కనిపించలేదు.. అసలు మ్యాచ్‌లో నిలబడాలనే కనీస పట్టుదల ఎవరిలోనూ చూడలేదన్నాడు. ఇది చాలా సిగ్గుచేటైన ప్రదర్శన (Un-Australian and Disgraceful).. సిరీస్ అంతటా బ్యాటర్లు మన బౌలర్ల కష్టాన్ని నీరుగార్చారని వార్నర్ మండిపడ్డాడు. మొదటి ఇన్నింగ్స్‌లో 74 రన్స్ చేసిన మ్యాట్ రెన్‌షా రెండో ఇన్నింగ్స్‌లో 'గోల్డెన్ డక్' (0) గా వెనుతిరగడం, కెమెరాన్ గ్రీన్ తప్పుడు కాల్ వల్ల జోష్ ఇంగ్లిస్ రనౌట్ అవ్వడంపై డేవిడ్ భాయ్ తీవ్ర అసహనం వ్యక్తం చేశాడు.
సైమన్ హార్మర్ విధ్వంసం.. ఆసీస్ ఓటమి దారులు:
* హార్మర్ మ్యాజిక్: దక్షిణాఫ్రికా ఆఫ్ స్పిన్నర్ సైమన్ హార్మర్ 21.1 ఓవర్లలో కేవలం 16 పరుగులిచ్చి 6 వికెట్లు పడగొట్టి ఆసీస్ బ్యాటింగ్ లైనప్‌ను పూర్తిగా ధ్వంసం చేశాడు. కగిసో రబాడా 3 వికెట్లతో అతనికి సహకరించాడు.
* ఆసీస్ టాప్ స్కోరర్లు: ఆస్ట్రేలియా రెండో ఇన్నింగ్స్‌లో నాథన్ లయాన్ (33), కెమెరాన్ గ్రీన్ (27) మాత్రమే కాసేపు పోరాడగలిగారు.
* WTC పాయింట్ల పట్టిక: ఈ విజయంతో దక్షిణాఫ్రికా వరల్డ్ టెస్ట్ ఛాంపియన్‌షిప్ పాయింట్ల పట్టికలో అగ్రస్థానానికి (No.1) దూసుకెళ్లగా, ప్యాట్ కమిన్స్ నాయకత్వంలోని ఆస్ట్రేలియా మూడో స్థానానికి పడిపోయింది.
Hahahahhahahahahahahaha https://t.co/fWgJ3jYWbp
— BoknRoll (@BoknRoll) October 31, 2026
