నారాయణపేట, వెలుగు: గతప్రభుత్వం చేపట్టిన గొర్ల పంపిణీ పథకానికి డీడీలు చెల్లించి, ఇంకా యూనిట్లు పొందని గొర్ల కాపరులకు డీడీలు వాపస్ ఇవ్వాలని వ్యవసాయ కార్మిక సంఘం రాష్ట్ర అధ్యక్షుడు కిల్లె గోపాల్ డిమాండ్ చేశారు. పెంపకందారుల సంఘం ఆధ్వర్యంలో పశుసంవర్థక శాఖ ఆఫీస్ ఎదుట ధర్నా చేపట్టారు. ఈ సందర్భంగా వారు మాట్లాడుతూ గొర్ల కాపరులు నానా ఇబ్బందులు పడి గొర్ల కోసం అప్పులుతెచ్చి ప్రభుత్వానికి చెల్లించినా గత ప్రభుత్వం మోసం చేసిందన్నారు.
వెంటనే రాష్ట్ర ప్రభుత్వం స్పందించి డీడీలు వెనక్కి ఇవ్వాలని డిమాండ్ చేశారు. కార్యక్రమంలో వ్యవసాయ కార్మిక సంఘం జిల్లా కార్యదర్శి గోపాల్, గొర్లకాపరుల సంఘం జిల్లా నాయకులు కనకప్ప, అంజప్ప, గోవిందు, వెంకటప్ప, శ్రీనివాస్ తదితరులు పాల్గొన్నారు.
