న్యూఢిల్లీ: ఢిల్లీలో14 ఏండ్ల బాలుడు తన ట్యూటర్ను హత్య చేశాడు. ట్యూటర్(28) బాలుడిపై పలుమార్లు లైంగిక దాడి చేయడమే హత్యకు దారి తీసిందని పోలీసులు తెలిపారు. బాలుడిపై లైంగిక దాడికి సంబంధించి ఓ వీడియో కూడా తీశాడని చెప్పారు. లైంగిక వేధింపులు తట్టుకోలేక పదునైన పేపర్ కట్టర్ తో ట్యూటర్ను బాలుడు మెడ వద్ద పొడిచి చంపాడన్నారు. హత్య జరిగిన మూడు రోజుల అనంతరం శుక్రవారం బాలుడిని అదుపులోకి తీసుకున్నట్లు పోలీసులు తెలిపారు.
జామియానగర్లోని బాట్లా హౌస్ సెకండ్ఫ్లోర్లో ఓ రూమ్ నుంచి రక్తం బయటకు వస్తోందంటూ ఆగస్టు 30న పోలీసులకు ఫోన్ కాల్ వచ్చింది. స్పాట్కు చేరుకున్న పోలీసులు ట్యూటర్ డెడ్బాడీని గుర్తించారు. హత్య కేసు నమోదు చేసి దర్యాప్తు చేపట్టారు. హోమోసెక్సువల్అయిన ట్యూటర్ రెండు నెలల క్రితం బాలుడిపై పలుమార్లు లైంగికదాడికి పాల్పడ్డాడని విచారణలో తేలింది. వీడియో తీసి సోషల్మీడియాలో అప్లోడ్ చేస్తానని బాలుడిని బ్లాక్మెయిల్చేశాడని వెల్లడైంది.
