కీసర, వెలుగు: కీసర మండలం చీర్యాల గ్రామ పంచాయతీ పరిధిలో వెలసిన అక్రమ నిర్మాణాలను రెవెన్యూ అధికారులు కూల్చివేశారు. కొందరు అక్రమార్కులు గ్రామంలోని చెరువులు, కుంటలు, నాలాలను కబ్జా చేసి, ఎఫ్టీఎల్, బఫర్జోన్ల పరిధిలో లేఅవుట్లు వేయడంతోపాటు ఇండ్లు నిర్మిస్తున్నట్లు అధికారులు గుర్తించారు.
పంచాయతీ నుంచి గానీ, హెచ్ఎండీఏ నుంచి కానీ ఎలాంటి అనుమతులు తీసుకోకుండానే లేఅవుట్లు చేసి, ఒక్కో ప్లాట్ ను రూ.40లక్షల నుంచి రూ.50లక్షలకు అమ్మేస్తున్నట్లు తెలుసుకున్నారు. కలెక్టర్ఆదేశాలతో సదరు నిర్మాణాలను బుధవారం కూల్చివేశారు. మొత్తంగా 30 బిల్డింగులను కూల్చివేసినట్లు అధికారులు తెలిపారు. ఎఫ్ టీఎల్, బఫర్ జోన్ ను ఆక్రమిస్తే కఠిన చర్యలు ఉంటాయని హెచ్చరించారు.
