చెరువులు, నాలాలు ఆక్రమించిన భూకబ్జాదారులపై హైడ్రా కొరడా జులిపిస్తుంది. సంగారెడ్డి జిల్లా అమీన్పూర్ మండలం కిష్టారెడ్డిపేట 12వ సర్వే నంబర్ లోని అక్రమ నిర్మాణాలను (ఆదివారం) సెప్టెంబర్ 22న కూల్చివేతలు ప్రారంభమైయ్యాయి. పటేల్ గూడ గ్రామానికి చెందిన పట్టా సర్వేనెంబర్ 6 పేరుతో, కిష్టారెడ్డిపేట లోని 12వ ప్రభుత్వ సర్వే నంబర్ లో నిర్మించిన సుమారు 16 అక్రమ కట్టడాలను హైడ్రా గుర్తించింది. హైడ్రా ఆదేశాల మేరకు రెవెన్యూ మున్సిపల్ శాఖ ఆధ్వర్యంలో ఆదివారం ఆయా బిల్డింగులను అధికారులు కూల్చివేస్తున్నారు.
ఈ నిర్మాణాలు ప్రముఖ బిఆర్ఎస్ నాయకుడివి అని సమాచారం. అటు కూకట్ పల్లి నల్లచెరువు బఫర్ జోన్, ఎల్టీఎఫ్ పరిధిలో నిర్మించిన కట్టడాలను కూడా హైడ్రా ఈ రోజే కూల్చివేస్తోంది. అధికారులు భారీ పోలీసు బందోబస్తు ఏర్పాటు చేశారు. హైడ్రా ఆద్వర్యంలో ఈరోజు మొత్తం మూడు చోట్లు కూల్చివేతలు జరుగుతున్నాయి. గత కొన్ని రోజుల క్రితమే రాష్ట్ర క్యాబినేట్ హైడ్రాకు హైపవర్స్ ఇచ్చిన విషయం తెలిసిందే.
