వెల్లుల్లి క్యాప్సూల్స్ తయారీ యోచనలో ఉద్యాన శాఖ

హైదరాబాద్, వెలుగు: యాంటీ బ్యాక్టీరియల్ గుణాలున్న వెల్లుల్లి (గార్లిక్) క్యాప్సూల్స్ను తయారు చేసి, విక్రయించాలని రాష్ట్ర హార్టికల్చర్ డిపార్ట్ మెంట్ యోచిస్తోంది. ఇంట్రెస్ట్ఉన్నవారికి కొంత ట్రైనింగ్ ఇచ్చి, ప్రాసెసింగ్ యూనిట్ ఇప్పిస్తే.. ఎంప్లాయ్మెంట్ తో పాటు మంచి లాభాలు వస్తాయని భావిస్తోంది. ఈ మేరకు ప్రపోజల్స్ రెడీ చేసింది. ఇప్పటికే రాజస్థాన్ లోని కోటా కృషి విజ్ఞాన కేంద్రం (కేవీకే)లో మహిళలు గార్లిక్ క్యాప్సూల్స్ తయారీలో సక్సెస్ అయ్యారు. కీళ్ల నొప్పులు, క్యాన్సర్ వంటి జబ్బులకు గార్లిక్ మంచి మెడిసిన్ లా పనిచేస్తుండటంతో క్యాప్యూల్స్కు రూపంలో తీసుకునేందుకు దేశవ్యాప్తంగా డిమాండ్ పెరిగింది. గార్లిక్పౌడర్, క్యాప్సూల్స్తయారీపై స్టడీ చేసిన మన స్టేట్ ఆఫీసర్లు.. కేవీకే నుంచి వివరాలు సేకరించారు.

రోజుకు రూ.20 వేల లాభం

గార్లిక్ క్యాప్యూల్స్ తయారీకి మొత్తం మూడు మెషీన్లు అవసరం అవుతాయని అధికారులు తెలిపారు. గార్లిక్ గ్రేడింగ్ చేసి, పొట్టును వేరు చేసేందుకు.. ఆ తర్వాత పౌడర్గా మార్చేందుకు ఈ మెషీన్లు పనిచేస్తాయి. రోజుకు 80 కిలోల వరకు పౌడర్ ఉత్పత్తి చేసే కెపాసిటీ ఉన్న ఈ మెషీన్లు రూ.60 వేల లోపు దొరుకుతాయి. కేజీ వెల్లుల్లితో వంద గ్రాముల పౌడర్ తయారవుతుంది. హోల్సేల్గా కిలో వెల్లుల్లి రూ.20 చొప్పున 8 క్వింటాళ్లు తీసుకుంటే రూ.16 వేలు ఖర్చవుతుంది. దీనిని ఎండబెట్టి పొట్టును వేరు చేసిన తర్వాత పొడి చేసి నలుగురు మహిళా వర్కర్స్ తో క్యాప్సూల్స్లో నింపిస్తారు. రోజుకు కిలో పౌడర్ఉత్పత్తికి రూ.226 చొప్పున 80 కిలోలకు రూ.18 వేలు ఖర్చవుతోంది. మార్కెట్లో కిలోకు రూ.500 వరకు అమ్ముడుపోతుంది. ఇలా వచ్చిన మొత్తంలో వర్కర్స్కాస్ట్, ముడి సరుకు, ఇతర ఖర్చులు తీసేయగా రూ.20 వేల వరకు నెట్ ప్రాఫిట్ వస్తుందని ఆఫీసర్లు చెప్తున్నరు. ఒక్కోదాంట్లో 500 మిల్లీగ్రాముల చొప్పున కిలో గార్లిక్ పౌడర్తో రెండువేల క్యాప్సూల్స్తయారు చేయొచ్చని, ఒక్కో క్యాప్సూల్ను 50 పైసలకు అమ్మినా.. కిలోకు రూ. వెయ్యి వస్తాయని చెప్తున్నారు. వెల్లుల్లి వాసన రాకుండా అందులో జంతు పదార్థాల నుంచి సేకరించే ప్రొటీన్(యానిమల్జెలాటిన్), బియ్యం పొట్టును వాడుతున్నరు.