న్యూఢిల్లీ: యూనిఫైడ్ పేమెంట్స్ ఇంటర్‌‌ఫేస్ (యూపీఐ), ఆధార్ వంటి డిజిటల్ పబ్లిక్ ఇన్‌‌ఫ్రాస్ట్రక్చర్ (డీపీఐలు) 2030 నాటికి ఇండియా ఆర్థిక వ్యవస్థ 8 ట్రిలియన్ డాలర్లకు చేరుకోవడంలో కీలకంగా పనిచేయనున్నాయి. వీటి ద్వారా దేశం ట్రిలియన్ డాలర్ల డిజిటల్ ఎకానమీ లక్ష్యాన్ని సాధించగలదని నాస్కామ్ బుధవారం విడుదల చేసిన రిపోర్ట్ తెలిపింది.
డీపీఐలు భారతదేశ జనాభాలో 97 శాతం మందిపై ప్రభావం చూపుతున్నాయి. మెచ్యూర్డ్ డీపీఐల వల్ల 31.8 బిలియన్ డాలర్ల సంపద సృష్టి సాధ్యమయింది. ఇది 2022లో భారతదేశ జీడీపీలో 0.9 శాతానికి సమానం. డైరెక్ట్ బెనిఫిట్స్ ట్రాన్స్ఫర్ విధానంలో లోపాల తొలగింపు ద్వారా ఆధార్ 15.2 బిలియన్ డాలర్ల విలువైన ఆర్థిక ప్రయోజనాలు దక్కాయి. గ్లోబల్ కన్సల్టింగ్ సంస్థ ఆర్థర్ డి. లిటిల్‌‌తో కలిసి నాస్కామ్ చేసిన రిపోర్ట్ ప్రకారం, యూపీఐ వల్ల నగదు లావాదేవీలు, పేపర్ వాడకం తగ్గాయి. కాలుష్యమూ తగ్గింది.
