గ్లోబల్ స్టార్ రామ్ చరణ్(Ram charan) వరుస క్రేజీ ప్రెజెక్టులను ఓకే చేస్తున్నాడు. ప్రస్తుతం ఆయన తమిళ స్టార్ డైరెక్టర్ శంకర్(Shankar) తో గేమ్ ఛేంజర్(Game changer) సినిమా చేస్తున్నాడు. ఈ సినిమా రెగ్యులర్ షూటింగ్ ఫుల్ స్వింగ్ లో జరుగుతోంది. దాదాపు షూటింగ్ కంప్లీట్ చేసుకున్న ఈ సినిమా.. 2024 సంక్రాంతి కానుకగా ప్రేక్షకుల ముందుకు రానుంది.
ఇక ఈ సినిమా తరువాత రామ్ చరణ్ ఉప్పెన(Uppena) మూవీ ఫేమ్ బుచ్చిబాబు సన(Buchhibabu sana)తో మరో పాన్ ఇండియా సినిమా చేయడానికి సిద్దమయ్యాడు. అయితే తాజాగా ఈ సినిమా కథ గురించి వినిపిస్తున్న న్యూస్ ఒకటి సోషల్ మీడియాలో వైరల్ గా మారింది. అదేంటంటే.. ఉప్పెన మూవీ తరువాత బుచ్చిబాబు జూనియర్ ఎన్టీఆర్(Jr NTR) తో ఓ సినిమా చేయాలని ప్లాన చేశారు. అందుకోసం ఒక పవర్ ఫుల్ స్టోరీని కూడా సెట్ చేసుకున్నాడు. దానికి ఎన్టీఆర్ కూడా ఒకే చెప్పాడు కానీ.. అనూహ్యంగా ఆ ప్రాజెక్ట్ క్యాన్సిల్ అయ్యి.. లిస్టులోకి చరణ్ వచ్చాడు.
దీంతో బుచ్చిబాబు చరణ్ తో చేస్తున్న సినిమా కథ, ఎన్టీఆర్ కు చెప్పిన కథ రెండు ఒకటే అని వార్తలు వినిపిస్తున్నాయి. తాజాగా ఈ న్యూస్ పై క్లారిటీ ఇచ్చాడట బుచ్చిబాబు. ఎన్టీఆర్ కు చెప్పిన కథ వేరని.. చరణ్ కోసం బుచ్చిబాబు కొత్త స్క్రిప్ట్ ను రెడీ చేసాడని మేకర్స్ క్లారిటీ ఇచ్చారు. ఈ సినిమా అక్టోబర్ నుండి సెట్స్ పైకి వెళ్ళనుంది. భారీ బడ్జెట్ తో పాన్ ఇండియా లెవల్లో రానున్న ఈ సినిమాకి ఏఆర్ రహమాన్(AR RA) సంగీతం అందిస్తున్నాడు.
