పాన్ ఇండియా స్టార్ ప్రభాస్(Prabhas) హీరోగా చేస్తున్న మూవీ స్పిరిట్(Spirit). వైలెంట్ డైరెక్టర్ సందీప్ రెడ్డి వంగా(Sandeep reddy vanga) తెరకెక్కిస్తున్న ఈ సినిమాను బాలీవుడ్ స్టార్ ప్రొడ్యూసర్ భూషణ్ కుమార్ నిర్మిస్తున్నారు. యానిమల్ సినిమా తరువాత సందీప్ రెడ్డి వంగా చేస్తున్న సినిమా కావడం, అది కూడా ప్రభాస్ హీరోగా చేస్తుండటంతో ఈ సినిమాపై అంచనాలు భారీగా పెరుగుతున్నాయి. అందుకే ఈ సినిమా గురించి వినిపిస్తున్న చిన్న న్యూస్ అయినా క్షణాల్లో వైరల్ అవుతోంది.
తాజాగా దర్శకుడు సందీప్ రెడ్డి వంగ స్పిరిట్ సినిమా గురించి చేసిన కామెంట్స్ వీడియో సోషల్ మీడియాలో వైరల్ అవడమే కాదు.. సినిమాపై అంచనాలను పెంచుతోంది. తాజాగా ఆయన ఓ ఇంటర్వ్యూలో పాల్గొన్నారు. ఇందులో భాగంగా ఆయన స్పిరిట్ సినిమా గురించి మాట్లాడుతూ.. స్పిరిట్ సినిమాలో చాలా కొత్త ప్రభాస్ ను చూస్తారు. ఈ సినిమాలో ప్రభాస్ రియాక్షన్ చూపించడానికి ట్రై చేస్తున్న. కమర్షియల్ సినిమాల్లా కాకుండా.. సినిమాలో తన వ్యక్తులకి, డ్యూటీగా గానే ఎవరైనా అడ్డం వస్తే ప్రభాస్ ఎలా రియాక్ట్ అవుతారు అనేది ఈ సినిమాలో హైలెట్ గా ఉంటుంది. ఇప్పటికే 60 శాతం కథ కంప్లీట్ అయ్యింది. డిసెంబర్ లో షూటింగ్ మొదలుపెట్టాలి.
"Prabhas as Honest Cop, the character is so different - that's why #Prabhas Anna accepted this story"
— Ayyo (@AyyAyy0) April 8, 2024
"Budget is 300Cr & Opening day will be 150 Cr"
"60% Script is Done, Shooting from Dec"
"I saw #Thalaivar171 Teaser, I want to watch it"#Rajinikanth #SandeepReddyVanga #Spirit pic.twitter.com/UJ9y5TP8nB
నిర్మాతలు స్పిరిట్ సినిమా కోసం నిర్మాతలు ఏకంగా రూ.300 కోట్లు ఖర్చు చేస్తున్నారు. రిలీజ్ కు ముందే సాటిలైట్, డిజిటల్ రైట్స్ ద్వారానే రిటర్న్స్ వచ్చేస్తాయి. ఇక మొదటిరోజు ఈ సినిమా ఖచ్చితంగా రూ.150 కోట్లు కలెక్ట్ చేస్తుంది. ఇది ఇవే కాన్ఫిడెన్స్ కాదు.. పక్కా లెక్కల ప్రకారం చెప్తున్నా.. అంటూ సినిమాపై అంచనాలను అమాంతం పెంచేశారు సందీప్ రెడ్డి వంగ. ఈ వీడియో చుసిన ప్రభాస్ ఫ్యాన్స్ ఫుల్ ఖుషీ అవుతున్నారు.
