రంగస్థలం, పుష్ప లాంటి కమర్షియల్ సినిమాలకు కేరాఫ్ అయిన టాలీవుడ్ డైరెక్టర్ ఒకరు. ‘ద కశ్మీర్ ఫైల్స్’ లాంటి సంచలన చిత్రాలతో మెప్పించిన బాలీవుడ్ డైరెక్టర్ మరొకరు. కశ్మీర్ ఫైల్స్, కార్తికేయ 2 లాంటి వరుస విజయాలతో దూసుకెళ్తోన్న నిర్మాత ఇంకొకరు. ఈ ముగ్గురూ కలిసి పనిచేయబోతున్నారు. ఇటీవల కొత్త ప్రాజెక్ట్‌ గురించి దర్శకులు సుకుమార్, వివేక్ అగ్నిహోత్రి, నిర్మాత అభిషేక్ అగర్వాల్ కలిసి చర్చించారు.
ఇందుకు సంబంధించిన ఫోటోస్‌‌‌‌‌‌‌‌‌‌‌‌‌‌‌‌ను సోషల్ మీడియాలో షేర్ చేశారు. అయితే ఈ సినిమా ఏంటి, ఇద్దరు దర్శకుల్లో ఎవరు డైరెక్ట్ చేస్తారు లాంటి వివరాలేవీ వెల్లడించలేదు. ముగ్గురూ సక్సెస్‌‌‌‌‌‌‌‌‌‌‌‌‌‌‌‌లో ఉన్న ఫిల్మ్ మేకర్స్ కావడంతో, కచ్చితంగా వీళ్ల నుండి ఓ సెన్సేషనల్‌ మూవీ రానుందనే అంచనాలు నెలకొన్నాయి. నిజానికి ‘ద కశ్మీర్ ఫైల్స్’ తర్వాత అభిషేక్ నిర్మాణంలో వివేక్ అగ్నిహోత్రి మరో రెండు సినిమాలకు కమిట్ అయ్యారు. ఈలోగా మరో క్రేజీ ప్రాజెక్ట్‌‌‌‌‌‌‌‌‌‌‌‌‌‌‌‌ని అనౌన్స్‌ చేశారు.
