ఇప్పుడిప్పుడే యోగా నేర్చుకుంటున్నవాళ్లు జూట్ లేదా పీవీటీ మ్యాట్స్ను ఉపయోగించాలి. అదే కాస్త అడ్వాన్స్డ్ లెవల్లో ఉన్నవాళ్లైతే... లైట్ వెయిట్ఉండే మ్యాట్లను ఎంచుకోవాలి. అప్పుడే వాళ్లు యోగా చేసేటప్పుడు గ్రిప్ దొరుకుతుంది. దాంతోపాటు ఆ మ్యాట్చెమటను కూడా పీల్చేస్తుంది. బేసిక్లెవల్కు ఉపయోగించే పీవీటీ మ్యాట్లను అడ్వాన్స్డ్ లెవల్కు ఉపయోగిస్తే వర్కవుట్స్ చేసేటప్పుడు జారిపడే ప్రమాదం ఉంది. కాబట్టి ఎప్పుడైనా సరే చెమటను పీల్చే మ్యాట్లను ఎంచుకోవాలి. ఇంకా బాగా గ్రిప్ దొరకాలనుకునేవాళ్లు, జూట్, పీవీటీ, రబ్బర్ మ్యాట్లను వాడొచ్చు.
- బిగినర్స్ కుషన్ ఎక్కువున్న మ్యాట్ వాడాలి. అది బ్యాలెన్సింగ్ బాగుంటుంది. ఇవన్నీ రకరకాల రేట్లలో దొరుకుతాయి. ఎక్కువ రేటు ఉన్నది కొనడం కన్నా, మనకు కావాల్సింది కొనుక్కుంటే మంచిది అంటున్నారు ఎక్స్పర్ట్స్.
- సింథటిక్ మ్యాట్స్ వాసన వస్తాయి, విషపూరితం కూడా. వాటిని దూరంగా ఉంచడం మంచిది. బిగినర్స్కు జ్యూట్ లేదా హ్యాండ్లూమ్ మ్యాట్స్ వాడొచ్చు. వాటికి అడుగున యాంటీ స్లిప్ ఆర్గానిక్ రబ్బర్ బాటమ్ ఉంటుంది. అందువల్ల వాటిని చాలాకాలం వాడుకోవచ్చు.
- కార్క్ మ్యాట్స్ను నేచురల్ రబ్బర్తో తయారుచేస్తారు. దానివల్ల ఎక్స్ట్రా గ్రిప్ దొరుకుతుంది. అడ్వాన్స్డ్ లెవల్ వర్కవుట్స్ చేసేవాళ్లకు ఇది బెస్ట్. ఇది ఎకోఫ్రెండ్లీ కూడా.
నాలుగు రకాల మ్యాట్లు
- పీవీటీ: పీవీటీ అంటే పాలీవినైల్ క్లోరైడ్ అని అర్థం. సాధారణంగా యోగా మ్యాట్స్ అనగానే అందరూ వీటికే మొగ్గు చూపుతారు. ఈ మ్యాట్తో గ్రిప్ బాగా దొరుకుతుంది. దీన్ని రీసైకిల్ చేయడానికి వీలు లేదు. ఎందుకంటే ఇది టాక్సిక్ మెటీరియల్స్తో తయారుచేస్తారు.
- జ్యూట్: దీని ధర తక్కువ. ఇది కూడా మంచి గ్రిప్ ఇస్తుంది.
- హ్యాండ్లూమ్: ఇవి యాంటీ స్లిప్, ఆర్గానిక్ రబ్బర్ బాటమ్స్తో తయారవుతుంది. పైగా ఇవి ఎక్కువ కాలం వస్తాయి.
- కార్క్: దీన్ని రీసైకిల్ చేయడానికి వీలుగా తయారుచేశారు. దీనిలో నేచురల్ రబ్బర్ అడుగు భాగాన ఉండడం వల్ల ఎక్స్ట్రా గ్రిప్ ఉంటుంది.
- రోప్స్ : కాస్త బరువుగా ఉండే రోప్ అయితే మంచిది. దానివల్ల కండరాలు గట్టిపడతాయి. డిజిటల్ రోప్లో అయితే టైంతో జంపింగ్స్ కౌంట్చూపిస్తుంది. అంతేకాకుండా రోజూ చేసే ట్రాక్ను మార్చుకోవాల్సిన పనిలేదు. జంప్ చేసేటప్పుడు టైంతోపాటు స్పీడ్ కంఫర్టబుల్గా ఉందా? లేదా? చూసుకోవాలి. రెగ్యులర్ వర్కవుట్స్తో పాటు స్కిప్పింగ్ చేస్తే మంచిది.
