కోటి విద్యలు కూటి కొరకే.. ఇది మనుషులకే కాదండోయ్.. మూగ జీవాలకు వర్తిస్తుందని.. ఇక్కడ విద్య అంటే ఆలోచన.. తెలివితేటలు అనుకోవాలి. పార్కింగ్ చేసిన కారులో ఎలుక దూరిన విషయాన్ని కుక్క పసిగట్టింది. అసలే కారు ఆగి ఉంది. ఇంకే ముంది.. ఎలుకను తింటానికి కుక్క చాలా కష్ట పడింది. ఆ ఎలుక తప్పించుకుందో..కుక్కకు ఆహారం అయిందో లేదో తెలియదుకాని.. ఆ కారు ఓనర్ జేబుకు మాత్రం చిల్లి పడింది. అదేంటనుకుంటున్నారా..
కుక్క కారు బంపర్ను నోటితో లాగేసింది. ఒక కుక్క, ఎలుకను పట్టుకునే ప్రయత్నంలో మారుతీ సుజుకీ XL6కారు బంపర్ ను నోటితో సులభంగా పీకేసిన వీడియో వైరల్ గా మారింది. ఈ ఘటన సుజుకీ కార్ల నాణ్యత ఎంత నాసిరకంగా ఉందో చూపిస్తుందని నెటిజన్లు తీవ్రంగా మండిపడుతున్నారు. ఇంత తేలికగా బంపర్ ఊడిపోవడం, వినియోగదారుల భద్రత పట్ల కంపెనీ నిర్లక్ష్యాన్ని సూచిస్తోందని విమర్శిస్తున్నారు. ఈ వీడియో వాహన తయారీ ప్రమాణాలపై అనుమానాలను పెంచింది. ప్రస్తుతం కుక్క పీకి పీలికలు చేస్తున్న కారు వీడియో సోషల్ మీడియాలో తెగ వైరల్ అవుతుంది.
సిటీల్లో ఇండ్లముందు .. షాపింగ్కు.. సినిమాలకు వెళ్లినప్పుడు.. పార్కింగ్ ప్లేస్ల్లో ..లేదా ఏదైనా టూర్ కు కార్లలో వెళ్లినప్పుడు రోడ్డు పక్కన పార్కింగ్ చేస్తాం.. కొద్దిసేపటికే బారెడు చాకిరి ఎందుకని కవర్ కప్పం.. అలా చేసిన పార్కింగ్ చేసిన కారును కుక్క పీకేసింది. ఈ వీడియో సోషల్ మీడియాలో వైరల్ అవుతుంది. మరి మీరు కారు పార్కింగ్ చేసేటప్పుడు జాగ్రత్తగా చూసుకోండి..!
