తలకు నూనె ఎక్కువ పెడితే మాడు జిడ్డుగా ఉండి, మలాస్సెజీ అనే ఫంగస్ పెరిగి చుండ్రు వస్తుంది. కొన్నిసార్లు మాడుకి ఇన్ఫ్లమేషన్ వచ్చి జుట్టు రాలిపోతుంది. నూనె ఎక్కువగా అంటుకుంటే కుదుళ్ల దగ్గర ఎర్రటి కురుపులు వస్తాయి. ఈ కండీషన్ని ‘స్కారియా అలొపేసియా’ అంటారు అంటోంది డెర్మటాలజిస్ట్, హెయిర్ స్పెషలిస్ట్ సువిన అట్టావరి. ఇందుకు సొల్యూషన్ కూడా చెప్పిందామె.
- నూనె రాసుకున్నాక తలకు మసాజ్ చేస్తున్నప్పుడు జుట్టుని బలంగా అటుఇటు లాగుతుంటారు. దాంతో వెంట్రుకలు రాలిపోతాయి. అందుకని నూనె పెట్టాక ఐదు నిమిషాలు మాత్రమే మసాజ్ చేసుకోవాలి.
- వెంట్రుకలకి నూనె పట్టించాక బిగుతుగా కొప్పు లేదా జడ వేసుకోవద్దు. అలాచేస్తే వెంట్రుకల కొసలు చిట్లుతాయి. జుట్టు ఊడుతుంది.
- నూనె రాసుకుని బయటకెళ్తే తలపై దుమ్ము చేరుతుంది. నిద్రపోయినప్పుడు దిండు, పరుపు మీది మురికి కూడా వెంట్రుకలకి అంటి జుట్టు రాలిపోతుంది.
- జుట్టుకు గోరు వెచ్చటి నూనె రాసుకోవాలి. అలాగైతేనే తొందరగా వెంట్రుకలు, కుదుళ్ల లోపలకి నూనె వెళ్తుంది. మాడుకి రక్త ప్రసరణ పెరిగి, వెంట్రుకలు ఆరోగ్యంగా ఉంటాయి.