- కొత్త వలస విధానాలకు ట్రంప్ ప్రతిపాదనలు
- వేలాది మంది ఇండియన్లకు వరం
బోతోంది. కుటుంబ ఆధారిత విధానం కాకుండా ప్రతిభావంతులకే వీసా ఇచ్చేలా వలస విధానాల్లో మార్పులు తేబోతున్నారు. దీనిపై అధ్యక్షుడు డొనాల్డ్ ట్రంప్ ప్రతిపాదించనున్నారు. ఏటా ఇస్తున్న 11 లక్షల గ్రీన్కార్డుల్లో సగానికిపైగా ప్రతిభ, వృత్తిగత నైపుణ్యాలున్నవాళ్లకే ఇచ్చేలా విధానాలు మారుస్తున్నట్టు తెలుస్తోంది. ఈ ప్రతిపాదనకు ఆమోదం లభిస్తే దశాబ్ద కాలంగా గ్రీన్కార్డు కోసం వేచి చూస్తున్న వేలాది మంది ఇండియన్లకు వరం కాబోతోంది. చాలా మంది నైపుణ్యం ఉన్న ఇండియన్లు ఇప్పటికే చాలా కాలంగా వెయిటింగ్ లిస్టులో ఉన్నారు. ఈ ప్రతిపాదనలతో వారి వెయిటింగ్ టైం చాలా వరకు తగ్గనుంది. కెనడా, ఆస్ట్రేలియా, న్యూజిలాండ్, జపాన్ వంటి దేశాల్లో అమలు చేస్తున్న పాయింట్ల ఆధారిత వ్యవస్థలాగానే ఈ కొత్త విధానాన్ని తీసుకురాబోతున్నట్టు అధికారులు చెబుతున్నారు.
ప్రతిభ ఉన్న విద్యార్థులు, అసాధారణ నైపుణ్యాలున్నవాళ్లకు లాభం జరుగుతుందంటున్నారు. వయసు, ఇంగ్లిష్ మాట్లాడడంలో నైపుణ్యాలు, ఎంప్లాయ్మెంట్ ప్రాతిపదికన పాయింట్లు ఇస్తారని చెబుతున్నారు. దీని వల్ల తక్కువ ఆదాయం వచ్చే అమెరికా ఉద్యోగులకు ఎలాంటి నష్టం ఉండబోదని చెబుతున్నారు. కాగా, ట్రంప్ అల్లుడు జార్డ్ కుష్నర్ ఆలోచనల నుంచి పుట్టిందీ కొత్త విధానం. సరిహద్దు భద్రతను పటిష్టపరచడం, ప్రతిభ, పెద్ద డిగ్రీలు, వృత్తిగత అర్హతలున్నోళ్లకే గ్రీన్కార్డ్(శాశ్వత నివాస హోదా) ఇచ్చేలా వలస విధానాల్లో సమూల మార్పులపై ఆయన ఓ నివేదిక తయారు చేశారు. ప్రస్తుతం 66 శాతం గ్రీన్కార్డులను కుటుంబం ఆధారంగానే ఇస్తున్నారు. 12 శాతం గ్రీన్కార్డులనే ప్రతిభ ఆధారంగా ఇస్తున్నారు. దానికి చెక్పెట్టడం కోసమే ఈ కొత్త విధానానికి తెరతీయబోతున్నారు.
ఎన్నికల వ్యూహమా?
దీనిపై కాంగ్రెస్ సభ్యులు భిన్న స్వరాలు వినిపిస్తుం డడంతో అది ఎంతవరకు అమలుకు నోచుకుంటుం దన్నదానిపైనే అనుమానాలున్నాయి. తన సొంతపార్టీ (రిపబ్లికన్ ) అభ్యర్థు లను ట్రంప్ ఒప్పించగలిగినా, నాన్సీ పెలోసీ నేతృత్వంలోని డెమొక్రాట్లు, హౌస్ స్పీకర్, సెనేట్ మైనారిటీ లీడర్ చుక్ షూమర్లను ఎంత వరకు ఒప్పిస్తా రన్నదే ప్రశ్నార్థకంగా మారింది. అమెరికాకు వచ్చే ఏడాది (2020) ఎన్ని కలు జరగనున్నాయి. ఎన్ని కల నేపథ్యంలోనే దీనిని ఇష్యూ చేయాలని ట్రంప్ సర్కారు
కసరత్తులు చేస్తోందన్న వారూ లేకపోలేదు. ఒకవేళ డెమొక్రాట్లుగానీ ఈ విధాన నిర్ణయాన్ని వ్యతిరేకిస్తే ఎన్నికల ఇష్యూ గా మారుతుందని, ఒకవేళ ఆ మార్పులకు వాళ్లు ఒప్పుకుంటే చర్చలద్వారా దానిని ఆమోదింపజేసుకునే అవకాశం ఉంటుందని సీనియర్ అధికారులు చెబుతున్నారు. ఈ కొత్త వలస విధానాల గురించి ఇప్పటికే రిపబ్లికన్ పార్టీ నేతలకు ట్రంప్ , కుష్నర్లు వివరించి నట్టు తెలుస్తోంది.