సికింద్రాబాద్, వెలుగు: గ్రేటర్పరిధిలో మెడికల్షాపుల్లో డ్రగ్ కంట్రోల్ అధికారులు బుధవారం తనిఖీలు చేపట్టారు. విజయపురి కాలనీలోని లక్ష్మీనరసింహ మెడికల్ షాపును రద్దు చేశారు. చాలా షాపుల్లో అక్రమంగా నిల్వ చేసి, ప్రిస్క్రిప్షన్లేకుండా మందులు విక్రయిస్తున్నట్లు గుర్తించారు.
20 మెడికల్షాపుల లైసెన్సులను 15 నుంచి 60 రోజుల వరకు సస్పెండ్చేసినట్లు డ్రగ్ఇన్స్పెక్టర్ గోవింద్తెలిపారు. ఆయా షాపుల్లో దగ్గు సిరప్లు, నైట్రావెట్, అల్ప్రాజోలం, ట్రామాడోల్, టైడోల్ ట్యాబ్లెట్లను డాక్టర్లు ప్రిస్క్రిప్షన్లేకుండానే విక్రయిస్తున్నారని చెప్పారు.
రూ.96 లక్షల డ్రగ్స్ సీజ్
శామీర్ పేట: మేడ్చల్– మల్కాజిగిరి జిల్లాలోని ఓ గోదాంలో అక్రమంగా నిల్వ చేసిన రూ.96 లక్షల మందులను డ్రగ్ కంట్రోల్అధికారులు పట్టుకున్నారు. మూడు చింతలపల్లిలోని ఓ గోదాంపై బుధవారం శామీర్ పేట ఎక్సైజ్ పోలీసులు, డ్రగ్ కంట్రోల్ అధికారులు దాడిచేశారు. అక్కడ అక్రమంగా నిల్వచేసిన రూ.96 లక్షల డ్రగ్స్ ను స్వాధీనం చేసుకున్నారు. అశ్విన్ బయో ఫార్మా కంపెనీకి చెందిన డ్రగ్స్ అని, గోదాం కడారి సతీశ్రెడ్డి అనే వ్యక్తి పేరున ఉన్నట్లు గుర్తించారు. సతీశ్రెడ్డిపై పలు కేసులు ఉన్నాయని తెలిపారు.
