IND vs NZ: న్యూజిలాండ్ పర్యటనలో ఉన్న భారత యువ పేసర్ ఆకిబ్ నబీ (Auqib Nabi) తన బౌలింగ్ వ్యూహాలపై ఆసక్తికర వ్యాఖ్యలు చేశాడు. గంటకు 130 కిలోమీటర్ల వేగంతో బంతులు విసిరే నబీ.. కేవలం ఎక్స్‌ట్రా పేస్‌పై ఆధారపడకుండా, దేశవాళీ క్రికెట్‌లో తాను నేర్చుకున్న స్కిల్, సీమ్ మూవ్‌మెంట్‌తోనే కివీస్ బ్యాటర్లను బోల్తా కొట్టిస్తానని ధీమా వ్యక్తం చేశాడు. రేపు (2026, నవంబర్ 13, శుక్రవారం) మౌంట్ మౌంగనుయ్ వేదికగా జరగనున్న నాలుగో వన్డేకు ముందు మీడియాతో మాట్లాడుతూ నబీ పలు కీలక విషయాలు పంచుకున్నాడు.
పేస్ కంటే నా స్కిల్‌నే ఎక్కువగా నమ్ముతా:
స్వదేశంలో వెస్టిండీస్‌తో జరిగిన అరంగేట్ర మ్యాచ్‌లో నిరాశపరిచినప్పటికీ, ఇప్పటి వరకు 3 వన్డేలు ఆడిన ఆకిబ్ నబీ గాల్లో స్వింగ్, పిచ్‌పై లభించే మూవ్‌మెంట్‌తో బ్యాటర్లను ఇబ్బంది పెడుతున్నాడు.
బౌలింగ్ వేగం పెంచుకునే ఆలోచన ఉందా అన్న ప్రశ్నకు స్పందిస్తూ.. ఎక్ట్రా పేస్ ఉంటే ఖచ్చితంగా అదొక ప్లస్ పాయింట్ అవుతుంది.. కానీ నేను నా స్కిల్‌నే ఎక్కువగా నమ్ముతాను.. దేశవాళీ క్రికెట్‌లో రాణించడం వల్లే ఇక్కడి వరకు వచ్చాను.. అక్కడ నాకు విజయాన్ని అందించిన సీమ్ మూవ్‌మెంట్ ఇక్కడ కూడా ఉపయోగపడుతుందని నబీ స్పష్టం చేశాడు.
కోహ్లీ, రోహిత్, గిల్ ఇచ్చిన సలహానే నా ఆట మారింది:
ఈరోజు (2026, నవంబర్ 12, గురువారం) నెట్స్‌లో టీమిండియా స్టార్ బ్యాటర్లు విరాట్ కోహ్లీ, రోహిత్ శర్మ, శుభ్‌మన్ గిల్‌లకు నబీ బౌలింగ్ చేశాడు. ఈ సందర్భంగా ఆకీబ్ మాట్లాడుతూ.. కివీస్ లో బౌలింగ్ చేయడం నాకిదే తొలిసారి.. ఇక్కడి పరిస్థితులు కాస్త భిన్నంగా ఉన్నాయి.. టాప్ లెవల్ బ్యాటర్లు స్వింగ్‌ను ఈజీగా ఆడేస్తారు కాబట్టి, ఇక్కడ సీమ్ మూవ్‌మెంట్‌పై ఎక్కువగా ఆధారపడాలని కోహ్లీ, రోహిత్, గిల్ నాకు చెప్పారని పేర్కొన్నాడు. ముఖ్యంగా స్క్రాంబుల్ సీమ్ (Scramble Seam) వేయడం లేదా బంతిని పిచ్‌పై గట్టిగా హిట్ చేయడం (Hit the deck) ద్వారా ఇక్కడ ఎక్కువ వికెట్లు తీసే ఛాన్స్ ఉంటుందని వారు చెప్పినట్లు ఆకీబ్ నబీ వివరించాడు.
టెస్టు సిరీస్ సన్నాహాల్లోనూ నబీ కీలక పాత్ర:
ఐదు వన్డేల సిరీస్‌లో భారత్ ఇప్పటికే 2–0 ఆధిక్యంలో ఉండగా, శుక్రవారం నాలుగో వన్డే జరగనుంది. వన్డే సిరీస్ ముగిసిన తర్వాత కూడా నబీ న్యూజిలాండ్‌లోనే ఉండనున్నాడు. నవంబర్ 19వ తేదీ నుంచి ప్రారంభం కానున్న రెండు మ్యాచ్‌ల టెస్టు సిరీస్ కోసం టీమిండియా సన్నాహాల్లో నెట్ బౌలర్‌గా అతను సహాయపడనున్నాడు.
