రంగారెడ్డి జిల్లా నార్సింగిలో మరోసారి భారీగా డ్రగ్స్ పట్టుబడ్డాయి. కోటిన్నర విలువ చేసే 650 గ్రాముల హెరాయిన్ను బుధవారం (జూలై 2) శంషాబాద్ ఎస్ఓటి పోలీసులు సీజ్ చేశారు. కాగా, నార్సింగిలో డ్రగ్స్ స్మగ్లింగ్ జరుగుతున్నట్లు శంషాబాద్ ఎస్వోటీ పోలీసులకు విశ్వసనీయ సమాచారం అందింది. దీంతో రంగంలోకి దిగిన పోలీసులు అనుమానస్పదంగా ఉన్న ఓ వ్యక్తిని అదుపులోకి తీసుకున్నారు. అతడి వద్ద ఉన్న బ్యాగ్ను పరిశీలించగా.. అందులో నిషేధిత హెరాయిన్ ఉన్నట్లు గుర్తించారు. వెంటనే హెరాయిన్ను స్వాధీనం చేసుకున్నారు.
సీజ్ చేసిన 650 గ్రాముల హెరాయిన్ విలువ కోటిన్నర ఉంటుందని అంచనా వేశారు పోలీసులు. హెరాయిన్ రాజస్థాన్లో కొనుగోలు చేసి హైదరాబాద్కు తరలించినట్లు గుర్తించారు. తానే హెరాయిన్ కంజూమ్ చేస్తున్నట్లు నిందితుడు ఒప్పుకున్నట్లు పోలీసులు తెలిపారు. ఈ మేరకు నిందితుడిపై ఎన్డీపీఎస్ యాక్ట్ కింద కేసు నమోదు చేసి దర్యాప్తు చేస్తున్నట్లు తెలిపారు. హెరాయిన్ విక్రయించిన వ్యక్తిపై కూడా కేసు నమోదు చేసి.. అతడి కోసం గాలింపు చేపట్టారు నార్సింగ్ పోలీసులు.
►ALSO READ | హైదరాబాద్ మాదాపూర్ లో దారుణం: బెట్టింగ్ వద్దన్నందుకు తండ్రిని చంపిన కొడుకు...
